АҚШ-тың Аризон штатында астероид құлады

АСТАНА. 3 маусым. АҚШ-тың оңтүстік-батысындағы Аризон штатында астероид құлады. Бұл туралы РИА «Новости» ақпарат агенттігіне сілтеме жасаған egemen.kz тілшісі хабарлады. Куәгерлердің айтуынша, диаметрі 3 метр болатын астероид Жер атмосферасына бейсенбі күні жергілікті уақыт бойынша сағат 04:00 кезінде кірген. Олар соңғы рет аспан денесін Тонто ұлттық саябағында жүргенде көрген. Штат тұрғындары жарқ еткен отты жарықтың және бірнеше қатты дауыстың куәсі болды. Аэронавтика және ғарыш кеңістігін зерттеу жөніндегі ұлттық басқарманың қызметкері Билл Куктің айтуынша оқыс оқиғадан зардап шеккендер жайлы хабарлама келіп түспеген. Аталған басқарманың есептеуі бойынша, астероид сағатына 64,7 мың шақырым жылдамдықпен ұшқан. Ал оның кинетикалық энергиясы 10 килотоннаны құраған. Аян Әбдуәли. Дерек, фото: РИА «Новости».