Әлемдегі ең қымбат ұшақ билетінің құны - 80,5 мың доллар

АСТАНА. 3 маусым. Etihad Airways авиакомпаниясы Лондоннан Мельбурнға және кері бағыттағы билет құнын 80,5 мың доллар деп сатуға шығарды. Бұл туралы bnews.kz-ке сілтеме жасаған egemen.kz тілшісі хабарлады. Аталған авиакомпаниясына тиесілі А380-800 ұшағындағы билет құны әлемдегі ең қымбат жол жүру ақысы болып табылады. Қыруар ақша тұратын билетті сатып алатын жолаушыға ұшақта қызметшілері және аспаздары бар үш бөлмелі нөмір ұсынылады. Онда үлкен екі орындық кереует, қонақ бөлме, жуынатын орын және екі теледидар бар. Айта кетейік, бұған дейін Нью-Йорктен Мумбайға ұшып бару ең қымбат әуе сапары саналған болатын. Оның құны 75,9 мың доллар болды. Талғат Райымбек. Дерек: bnews.kz. Фото: blogsport.com.