Ұлыбританияда тек қана су сататын бар ашылды

АСТАНА. 3 маусым. Ұлыбритания астанасы Лондон қаласында тек қана су сататын коктейль-бар ашылды. Бұл туралы epoctimes.ru сайтына сілтеме жасаған egemen.kz тілшісі хабарлады. АҚШ-та осыдан бірнеше жыл бұрын мәзірінде судың 20 түрі бар «Рэй» және «Старк» атты орындар ашылған. Лондонның Оксфорд көшесінде орналасқан бұл бар да сол үрдісті қайталайды. «Судың өзіндік дәмі бар. Меніңше, оның алуан түрінен мәзір жасап шығаруға болады. Ол үшін құрамында түрлі минералы бар және дәмі өзгеше бірнеше суды сатып алған жөн. Осыдан соң бірінен кейін бірін ішіп көрсеңіз, оның да түр-түрі болатынын түсінесіз. Шарап секілді судың да дәмінен оның қайдан келгенін әрі қанша тереңдіктен алынғанын білуге болады», – дейді неміс сомольесі Мартин Ризе. Сомолье – мейрамханада сусындарды жіберуді қадағалайтын және шарап туралы толық мәлімет бере алатын қызметкер. Аян Әбдуәли. Дерек, фото: epoctimes.ru.