Атбасарда электр үнемдегіш шамдар шығарылуда

Бәсекелестік белең алған на­рық жағ­дайында өндірісті өрге бас­­тырып, жақсы табыс табу үшін жұртшылық сұранысын­да­ғы, сапалы және бағасы қол­же­тімді өнім өндіруді жолға қою керек. Нарықтың осы талабын жақсы білетін «ТНК агрофир­масы» облыстың біраз өңір­лерінен өз құрылымдарын ашып, игі істерімен көзге түсуде. Елең еткізер қадам ретінде серік­тес­тіктің осыдан екі жыл бұрын мен­шікке алған Атбасар жөндеу-меха­никалық зауытының аума­ғынан электр үнемдегіш шамдар шығаратын кәсіпорынды іске қосқанын айтар едік. «Қазтехникс» атауындағы жа­ңа кәсіпорынның басшысы Да­нияр Уәлиев өндіріс барысымен кеңінен таныстырды. – Бұрынғы жөндеу-механи­ка­лық зауытының цехы жаңа кә­сіпорынға лайықтап жарақ­талған, – дейді жас басшы. – Ал­­ғашында біз ескі құрыл­ғылар­мен жұмыс істедік. Өт­кен жы­лы Оңтүстік Ко­реядан жаңа жаб­дықтар сатып алынды. Жұ­­­мыс­шыларымыз Санкт-Петер­бургтегі әріптес ком­пания зауы­тымызда ұйым­дас­тырған курс­та оқып, кәсіби білік­тілі­гін арттырды. Біз қазақ­стандық жабдықтарды пайда­лануға ден қоямыз. Сондай-ақ, ин­тегра­циялық жүйемен Ресейден жылтыр металл тақта­лар, Ка­на­дадан өрнекті пластиктер жет­кізілуде. Бүгінде зауыт электр үнем­дегіш лампалардың 24 түрін жасайды. Тәулігіне үлкен шам­дар­дың 320 данасын, кішігірім лампалардың 450-ін құрастырып шығарады. Алғашында тек тапсырыс бойынша жұмыс істеген за­уыт кейінгі уақытта толық қуатына көш­кен. Зауыт ішінде аумағы 3000 шаршы метрді құрайтын дайын өнімдерді сақтайтын қойма жабдықталған. Шығарылған өнімді сату мә­се­лесі оншалықты қиындық ту­ғы­зып отырмағандығын айтып өтті зауыт басшысы. Аста­на, Ал­маты, Маңғыстауда бір­қатар ірі компаниялар кәсіп­орын өнімдеріне тапсырыс бе­ріпті. Сондай-ақ, Жақсы, Есіл аудандары әкімдіктерімен шарт бойынша көшелерді жа­рық­тандыратын лам­палар орнаты­лып берілген. Қазіргі күні зауыт басшылығы Көк­шетау қала­сы әкімдігімен келіс­сөз жүр­гізіп жатқан көрінеді. Тап­­сы­рыс көлемі анықталған жағ­дайда, облыс орталығының көше­лері жергілікті өніммен толық қамтамасыз етілмек. «Қазтехникс» ЖШС өз өнім­деріне үш жылдық кепілдік бе­реді. Яғни, лампа үш жыл мүл­тіксіз жұмыс жасауы тиіс. Олай болмаған жағдайда, не жаңа­­сымен ауыстырады, болмаса тегін жөндеп береді. Жалпы, зауыт шы­­ғарған электр үнемдегіш лам­па­лар 20 жыл жұмыс істейді деп жо­баланған. Осыдан болса ке­рек, жарығы мол әрі қуат үнем­дегіш өнімдерге сұраныс артып отыр. Бақберген АМАЛБЕК, «Егемен Қазақстан» Ақмола облысы, Атбасар ауданы