Жаралы піл адамдарға келіп жәрдем сұрады

Зимбабведе браконьерлер атып, жаралаған піл араша сұрап, адамдардың арасына өзі келген. Оқиға елдің Bumi Hills Safari Lodge сафари-паркі аумағында орын алған. Сонда жайылып жүрген пілге мылтық асынған біреулер келіп, оқ жаудырған. Соның бірі қарнына қадалған кезде жануар шырқырай қашып, жақын маңдағы елді мекенге жеткен. Бастапқыда еліріп келген пілді көргенде, жергілікті тұрғындар мен туристер аздап қорқып кеткен көрінеді. Бірақ алып аңның ішінен қан сорғалап тұрғанын байқаған соң мәселенің мәнісін түсіне қойған. Сол жерде бәрі жабылып, пілді жерге жығып, оның жара­қатын қараған. Вете­ринарлық дәрігер жануар­дың ішінде тұрып қалған оқты суырып алып, орнын тазалап, таңып қой­ған. Бұдан басқа, құлақтан да оқ алынған. Осыдан кейін маман­дар пілдің жүрген жерлерін ұдайы бақылауда ұстап тұру үшін оның денесіне передатчик орнатып, қайтадан өзінің паркіне жіберген. Мұрат АЙТҚОЖА