Жаһандық жоба

Халықаралық күнтізбедегі атау­лы күндердің қатарына   қа­зақ­стандық спортшылар мен Қа­­зақстан спорт журналистері қа­уымдастығы елімізде ойлап та­­былған «Дүниежүзілік шырын күні» атты  мерекені қоспақ. Өткен жылдың қараша айы­нан бастап www.worldjuiceday.kz интернет-сайтында әлем күн­тізбесінде «Дүниежүзілік шы­рын күні» деп аталатын жаңа ме­рекенің пайда болуы үшін он­лайн-дауыс беру жүргізілуде. Сайт­қа кірген әр адам «қол­даймын» пернесін басу арқылы осы күннің пайда болуына қа­тыс­ты өзінің келісімін растай алады. Ендігі жерде осы күнді қол­дауға қатысты неғұрлым көп дауыс жиналса, аталған мере­кенің ресми түрде пайда болуы­ның ықтималдылығы соғұрлым арта түспек. Бұл бастамаға «Қа­зақ­стан­дық­­тарды шырынмен сауық­ты­ру» қоғамдық қозғалысы ұйыт­қы бо­лып отыр.  Аталмыш қоз­ға­лыс – шырынның пайдасы жөніндегі бар­лық мәліметті, сон­дай-ақ, спорт­шылар, дәрігер­лер, диетологтар секілді дұрыс тамақтану мен саламатты өмір сүру салты саласын жетік білетін тұлғаларды біріктіретін Қазақстандағы жалғыз ұйым. Қоз­ғалысқа қатысушылар ара­сында атақты альпинист Денис Урубко, Олимпиада чемпионы Ольга Шишигина, Қа­зақ тамақтану ака­де­мия­сы­ның, Саламатты өмір сүру салтын қалыптастыру мәселелері жө­нін­дегі ұлттық орталықтың, Қа­зақ­станның іскер әйелдер қауымдас­тығының мамандары мен тамақ­тану, денсаулық және сұлулық са­лала­рының бас­­қа да сарап­шыла­ры бар. Қазақстанның спорт жур­на­лис­­тері қауымдастығының президенті Марат Исабаев: – Біз спортшылардың жетістіктері мен олардың дене бітіміне сүйсінеміз. Алайда, дұрыс тамақ­тану арқылы дәл сондай белсенді және сау болу біздің де қолы­мыз­дан келеді ғой. Ал ден­саулық үшін ең пай­далы өнім­дердің бірі болып табы­латын табиғи шы­рынға жылдың бір күнін арнауға әбден болады, – дейді. Жаһандық жобаның Қазақ­стан имиджі үшін маңыз­ды­лығы  жа­йында Сергей Дроздов былай дейді: «Жаңа Қазақ­стан күннен-күнге өркениетті, заманауи әрі әл-ауқатты мемлекет ретінде әлем­ге танылып келеді. Бұл имидж­дің сақталуына Қа­зақ­стан­да алғаш рет өткізіліп отырған Азиада ойындары, Қа­зақ­стан­ның өткен жылы ЕҚЫҰ-ға төр­ағалық етуі, сон­дай-ақ, көпте­ген басқа да оқи­ғалар септігін тигізіп отыр. Алай­да, бұл оқи­ғалар саясаткерлер, спорт­шы­лар секілді же­ке­леген маман­дық иелерінің жетістігі болып табылады. Ал Дүниежүзілік шы­рын күні қа­был­данса, бұл әрбір қазақ­стан­дық­тың үлесі болар еді. Сон­дық­тан, хал­қымызға бір ауыздан бірігіп, әлемдік ау­қымда саламатты өмір сүру сал­тын қолдаушы ел­дің тұрғын­дары ретінде өздерін неге танытпасқа?» Айнаш ЕСАЛИ. Алматы.