Қорғаныс министрлерінің кеңесі

Астанада Шанхай ын­ты­мақтастық ұйы­мына мүше мемлекет­тер Қорғаныс министр­лері­нің кезекті кеңесі өтті. Кеңеске Қазақстан Рес­пуб­­ли­касының Қорғаныс министрі Иманғали Тас­ма­ғамбетов, Қы­тай Халық Рес­публикасы Мем­ле­кеттік кеңесінің мүшесі – Қор­ғаныс министрі генерал-полков­ник Чан Ваньцюань, Ресей Феде­ра­циясының Қорғаныс министрі армия генералы Сергей Шойгу, Тәжікстан Республикасының Қор­ғаныс министрі, генерал-лейтенант Шерали Мирзо, Өзбекстан Рес­публикасы Қорғаныс министр­інің бірінші орынбасары – Қор­ғаныс министрлігі Бас штабы­ның бастығы, генерал-лейтенант Шавкат Норматов қатысты. Сон­дай-ақ, кеңеске ШЫҰ Бас хат­шысының орынбасары Сабыр Имандосов пен ШЫҰ Өңірлік лаңкестікке қарсы құрылымы Атқару комитеті директорының орынбасары Чжоу Цин қатысты. Кездесу барысында қор­ғаныс ведомстволарының басшылары халықаралық және өңірлік қауіпсіздіктің өзекті мәселелері бойынша пікір алмасып, бұл салада ШЫҰ мемлекеттері арасындағы өзара түсіністіктің жоғары деңгейін атап өтті. Халықаралық терроризм мен өңірлік экстремизмнің өршу қауіп-қатері жағдайында қорғаныс ведомстволарының басшылары Ұйымның кеңіс­тігінде тұрақтылық пен қауіп­сіздікті нығайтуда үйлестірілген бірлескен іс-қимылдың маңыз­дылығын ерекше атады. Осыған орай, қорғаныс ве­домс­тволарының басшылары қауіп­сіздікті қамтамасыз ету және ШЫҰ-ға мүше мем­­лекеттердің жанын­дағы шека­ра­лардан әскери қауіп-қатер­лерге қарсы іс-қимыл, сондай-ақ, жедел ақпарат алмасу бо­йынша қор­ғаныс ведомство­ларының ынты­мақ­­тастығын дамыту мәселелері жөнінде үйлестірілетін кон­суль­тативтік тетіктерді жетіл­діруге уағдаласты. Кеңеске қатысушылар бей­­біт­­­шілікті, тұрақтылық пен қауіп­сіз­дікті нығайту мә­се­лелерін қарастырды. Ха­лық­аралық лаңкес­тік­пен күре­су және Сирия хал­қы­на, оның ішінде боса­тылған қала­лар­ды мина­сыздандыруға көмек көрсету жөнінде Ре­сей Фе­де­ра­циясы Қарулы күш­терінің іс-қимылдарына жо­ғары баға берілді. Олар өңірде ынтымақ­тас­тықты әрі қарай сәтті да­мытуға сенімділік білдірді, ШЫҰ-ға мүше мемлекеттер арасындағы сенімділік пен ашық үнқатысудың ны­ғаюын рас­тады. Оның іл­герілеуі ШЫҰ-ға мүше мем­лекеттер сырт­қы сая­са­тының орталық элемент­те­рі­нің бірі болып табылады. Кеңесте ШЫҰ өзінің жо­ба­ларын іске асыра және өз­ге де өңірлік және халық­аралық ұйымдармен ынты­мақ­тастық жасай отырып, ШЫҰ мемлекеттерінің қа­у­іп­­сіз­дігіне сүбелі үлес қо­сып жүр­­генін атап өтті. Сондай-ақ, ШЫҰ мемле­кет­терінің «жамандықтың үш күші­мен»: лаңкестік, экстре­мизм, сеператизммен күре­суде табандылығын паш ететін «Бейбіт миссия-2016» бірлескен әске­ри терроризмге қар­сы коман­далық-штабтық оқу-жат­тығуына дайындық барысы талқы­ланды. Қорғаныс ведомство­ларының бас­шылары ШЫҰ-ның бола­шақ мүшелерін әс­кери ынты­мақ­­тас­тыққа жал­ғау Ұйымға мүше мем­леке­ттер арасын­дағы өзара сенім­­ділікті нығайтудың маңызды бағы­ты болатынына сенімділік біл­дірді. Шанхай рухын нығайту ісінде әскери оркестрлердің «Бейбіт­шілік кернейі-2016» фестива­лінің жоғары рөлін атап өтті және оны жиі өткізу практикасын жалғастырған жөн деп шешті. Сонымен қатар, кеңесті дайын­дау жөнін­де Қазақстан Респуб­ли­ка­сының Қорғаныс министр­­лігімен жұмсалған күш-жі­герді жоғары баға­лап, қо­лайлы жағдай мен қо­нақжай­лылыққа алғыс білдірді. 2017 жылы Қа­зақстан Респуб­ли­к­а­­сында ШЫҰ-ға мүше мем­лекет­тер қорғаныс министр­лері­нің кезекті оты­рысын өткі­зу қажет деген ше­шім қабылданды. Шанхай ынтымақтастық ұйы­мына мүше мемлекеттер Қор­ға­ныс министрлері кеңесінің қоры­тындысы бойынша бірлескен коммюникеге қол қойылды. Сәулебек БІРЖАН