Парламент Сенатының Қаржы және бюджет комитетінің кеңейтілген отырысында «Қазақстан Республикасының Үкіметі мен Сауд Арабиясы Корольдігінің Үкіметі арасындағы Табысқа салынатын салықтарға қатысты қосарланған салық салуды болдырмау және салық салудан жалтаруға жол бермеу туралы конвенцияны және оған Хаттаманы ратификациялау туралы» заң жобасы қаралды.
2011 жылғы 7 маусымда Астанада қол қойылған Конвенция инвестициялар салу үшін қолайлы жағдайлар жасау арқылы екіжақты экономикалық ынтымақтастықты нығайтуға және кеңейтуге бағытталған.
Конвенцияға сәйкес, уағдаласушы мемлекеттердің әрқайсысы салық төлеушіге бір рет – уағдаласушы мемлекеттердің бірінде ғана салық төлеу мүмкіндігін қамтамасыз етеді. Екінші мемлекет оған төленген салық сомасын есепке алуды ұсынады немесе салық салынатын жиынтық табыстан екінші мемлекетте салық салу жүргізілген сол бөлігін алып тастайды.
Сондай-ақ, құжатта дивидендтерге, борыштық талаптардан алынатын табыстарға және роялтиге төмендетілген мөлшерлемелер бойынша табыс көзі пайда болатын мемлекетте салық салынуы мүмкін болатын ережелер көзделген.
Заң жобасы палатаның қарауына жіберілді, деп хабарлады Сенаттың баспасөз қызметі.
Соңғы жаңалықтар
Алматы облысында үш ауысымды мектептердің мәселесі қалай шешіліп жатыр
Аймақтар • Бүгін, 15:55
Президент энергетиктерді марапаттау туралы Жарлыққа қол қойды
Президент • Бүгін, 15:20
Қосшыда қатты тұрмыстық қалдықтарды шығару тарифі төмендетілді
Оқиға • Бүгін, 15:11
Ауыл – біздің мәдениетіміз бен дәстүріміздің негізі - Ерлан Қошанов
Аймақтар • Бүгін, 14:34
Президент Қаратал ауданының қорғаныс істері бөліміне барды
Президент • Бүгін, 14:09
Қызылордада 504 отбасы баспаналы болды
Аймақтар • Бүгін, 13:24
