Футбол. «Еуро-2016». Германия үш ұпай алды (видео)

Футболдан Еуропа чемпионатында тағы бір матч өтті. Турнир фавориттерінің бірі – Германия құрамасы Украина командасымен Лилль қаласындағы «Пьер Моруа» стадионында кездесті. Германия – Украина 2:0 Германия: Мануэль Нойер, Бенедикт Хёведес, Джером Боатенг, Шкодран Мустафи, Йонас Хектор, Сами Хедира, Тони Кроос, Томас Мюллер, Месут Озил, Юлиан Дракслер (Андре Шюррле 78), Марио Гётце (Бастиан Швайнштайгер 90) Украина: Андрей Пятов, Артем Федецкий, Евгений Хачериди, Ярослав Ракицкий, Вячеслав Шевчук, Сергей Сидорчук, Тарас Степаненко, Андрей Ярмоленко, Виктор Коваленко (Александр Зинченко 74), Евгений Коноплянка, Роман Зозуля (Евгений Селезнев 66) Голдар: Шкодран Мустафи 19, Бастиан Швайнштайгер 90+1 Кездесуді ширақ бастаған Германия құрамасы бірнеше қауіпті шабуыл ұйымдастырды. Осындай сәттердің бірінде «неміс машинасының» ойыншысы Шкодран Мустафи алғашқы голды соғады. Бірінші тайм аса тартысқа толы өтті. Украиналықтар да жүйелі ойын өрнегін көрсетіп, шабуылдағанымен, соңғы сәттерде сәттілік жетіспей жатты. Ал матчтың соңына таман қарымта шабуылға шыққан «бундестим» Бастиан Швайнштайгердің көмегімен екінші голды соғып кетті. Осылайша, үш ұпайға ие болған Германия С тобында бірінші орынға жайғасты. УЕФА-ның хабарлауынша, тартысқа толы кездесуде өз ойынымен ерекше көзге түскен Тони Кроос матчтың үздік ойыншысы атанды. Аян Әбдуәли. Фото: vk.com.