Футбол. «Еуро-2016». Испания турнирді жеңіспен бастады

Францияда футболдан өтіп жатқан Еуропа чемпионатында D тобындағы командалардың кезекті матчы ойналды. Тулуза қаласында Испания мен Чехия құрамалары кездесті. Бұл ойында испандар қарсыластарын 1:0 есебімен жеңді. Кездесуде жалғыз голды 87 минутта қорғаушы Жерар Пике соқты. Ол ұлттық құрама сапында соңғы 8 жылда доп соғып көрмеген екен. Испания-  Чехия – 1:0 Гол: Пике (87) Испания: Де Хеа, Пике, Альба, Хуанфран, Рамос, Иньеста, Бускетс, Сильва, Фабрегас (Алькантара, 70), Нолито (Педро, 82), Мората (Адурис, 62). Чехия: Чех, Губник, Сивок, Лимберски, Гебре Селасси (Шурал, 86), Росицки (Павелка, 88), Плашил, Крейчи, Дарида, Кадержабек, Нецид (Лафата, 75). Ескерту: Лимберски (61). Осы топта Хорватия мен Испания 3 ұпай алып, алғашқы екі орынды бөлісті. Бүгін кешке Е тобының командалары алаңға шығады. Ирландия Швеция құрамасымен ойнаса, одан кейін Бельгия мен Италия кездеседі. Дастан Кенжалин. Фото: sport.segodnya.ua