Жарайсың, Жібек!

Іле Алатауын баурайлап жат­қан «Табаған» спорттық кешенінде ерлер  арасындағы фрис­тайл­дың шаңғы акробатикасы бойын­ша жарыстар аяқталды. Фристайл могулындағы ерлер мен қыздар арасындағы екі алтынды да жексенбіде Қазақстан жеңіп ал­са, ак­ро­батиканың қос алты­нын қытай­лықтар қанжығасына байлады. Фристайл акробатикасы да спорт­тың қауіпті түрі саналады. Бұл додаға жүрек жұтқандар ғана бара алмақ. Шаңғымен ауада шыр көбелек айналып барып, жерге сәт­ті қонақтамасаң желкең үзіл­ме­се де, ең болмаса аяғың сынады. Сон­дықтан  болар, біздің могулдан ал­тын­нан алқа таққан отандас­тары­мыз жеңістің басы алдымен өз қорқынышыңда жеңу екендігін айтқан. Осылайша әуе акробатика­сында екі рет ауада шаңғымен тамаша трюк­тер жасаған қытайлық Джиа Зонгянг  220,70 балл алып, бас жүл­де­ні ием­денді.  Оның жерлесі Лиу Жонг­­кинг  210,16 баллмен күміс жүл­деге ие болды.  Қазақстандық Рус­лан Аблятифов 180,30 балл жинап, қола жүлде тақты. Тағы бір жерлесіміз Сергей Берестовский төртін­ші орын­ға табан тіреді (150,03 балл). Осы кезде Солдатсай шатқа­лында фристайлдан қыздар арасын­да әуе акробатикасы жарысының жүлдегерлері де анықталды. Алтын медальді Қытай спорт­шысы Джанг Ксин (151,45 балл) жеңіп алды. Ол – қазақстандық мамандар «үздік атанады» деп болжаған жерлесіміз Жібек Арапбаевадан озды (109,93 балл). Нәтижесінде Жібек екінші орын­да. Тұғырдың үшінші сатысында Янг Ю (109,56 балл) тұр. Қазақстандық Ақмар­жан Қалмырзаева берілген екі мүм­кіндіктің қорытын­дысы бойынша соңғы – төртінші орынды қанағат етті. Жарыс басталар алдын­дағы ауыз аштырып, таңдай қақтырған спортшы қыздар­дың алғашқы жат­тығуынан кейін, дәл айт­қанда, 10:20 минөтте акро­батшы жігіттер шеберлік деңгейлеріне қарай топ-топқа бөлінді. Ол жа­рыс­­тың бағдарламасы бо­йын­­ша акробаттар сальто және секіру жат­ты­ғуларын орын­­дады. Олар іріктеу сы­нын­да да, сондай-ақ ақтық бәсекеде де бір-бір реттен жарыс жолына шығып, осы екі жатты­ғудың нәтижелері жалпы есепке енді. Акробаттар жарыс бары­сында әр түрлі жаттығу эле­мент­терін орын­дап, жарысты қазақ­стандық спорт­шы­лар  Михаил Лихоманов пен Илья Бугров бастады. Жарыста үш елдің – Қытай, Жапония, Қазақстан акробат­тары өзара медальдар жиын­ты­ғын бөліске салды. Спорт­шы­лардың халықара­лық жа­рыс­тар­да қан­дай орын алып жүр­ген­деріне және FIS ай­қын­даған дә­ре­желік дең­гейін есепке ал­ған­да, бірінші орын­нан Қы­тай акро­баттары бір­ден-бір үміт­кер еді.  Бірақ, 30 жас­тағы жа­пон­­дық акробат­шы Та­бару Наоюды да қар­сылас­тары естен шыға­руға бол­майтын­ды­ғын айтқан. ­Шаңғы акробатикасы жа­ры­сын­да спортшылар арнайы жа­сал­ған трамплиннен күр­делі­лігі екі түрлі талаптар бо­йын­ша сәй­кес секірді. Азиадада фрис­тайл­шыларда не­бәрі екі рет секіру мүмкіндігі бол­ды – квалификацияда және финалда. Қоры­тын­ды есепте олар­дың осы екі секірісте жина­ған ұпайлары саналды. Айнаш ЕСАЛИ. Алматы.