Сен кімсің, Зарина?

Азия ойындары танытқан та­лант­тардың бірі – Зарина Тохтиева! Қазақстандық хоккейші әйел­дер командасының сапында тамаша өнер көрсетіп жүрген ша­буылшы қыз аз күннің ішінде өзі­нің шын мәнінде аты-жөні айтуға тұрарлық шебер екенін дәлелдеді. Әсіресе, Қазақстан-Жапония ара­сын­дағы кез­­десудің жан алысып, жан беріскен қиын-қыстау ең соңғы сәтінде тамаша шеберлік танытты. Азиада деген ақ қар, көк мұз үстіндегі жарысты ғана жазу емес, Азиада деген – ел мен ел, жер мен жер, тарих пен тарих, адамдар мен адамдар арасындағы туыстық, дос­тық, махаббат та­қырыбын да қоз­ғай­тын қолайлы сәт. Міне, біз де осы мезеттен бастап «Та­­лантты ару Зарина Тохтиева кім бол­ды екен?» деп «бас қатырумен» бол­­­дық. «Татар қы­зы болуы керек» деген жорамал, неге екені белгісіз, ойы­ма бірінші оралды. Бірақ Қор­ған­бек деген ақын көкем «Ұй­ғыр­лар­дың фамилиясына ұқсай­ды» деп, нығырлады. Содан Шым­­бұ­лақ­тағы баспасөз орталы­ғы ком­пью­терлерінің біріне оты­рып, Зарина Тохтиева туралы мә­лі­мет іздеуге кірістім. Бірақ бас­пасөз орталы­ғы­ның мәлімет­тер қоры тым мар­дым­сыз болып шық­ты. Өмірбая­ны мүл­де жоқ. Тапқаным «Зарина Тухтиева. 1987 жылы 18 мау­сым­да туған. Бойы­ның ұзындығы 167 см, салмағы 64 кг.» деген үш ауыз сөз. Суреті де берілген екен, ақ сары­ның на­ғыз әде­місі. Мұндай қыз­дар, негізінен, қа­зақ, ұй­ғыр және татар ұлтында көбірек кездеседі. Сосын шай­балы хоккей­дің «ша­йын ішіп, майын жеп» жүрген тілшіміз Бақ­тияр Тайжан бірдеңе білер деп телефон шалып ем, ол: «Зарина ма, ол татар қызы ғой» деді сенімді үнмен. Айтпақшы, Азиада баспасөз орталығы компьютерінің «қоры­нан» табылған З. Тохтиева тура­лы қысқа ғана мәліметте «Ұлты» деген жазу да бар болатын. Сол тұсқа Қазақстан туының суреті салынып, ағылшын тілінде «Kaz» деп жазылыпты. Ішім жы­лып қал­ды. Өте дұрыс, өйткені Азиада жалауы астында Қазақ­стан атынан жарысқа түскен сайып­қыран­дар­дың бәрін бір-ақ ауыз сөзбен «Қазақ» немесе «Қа­зақ­тар» дейміз. Шетелдік журналистер де отан­дарына жіберген ре­портаж­дарында «Қазақ шаң­ғы­шысы Дми­р­тий Кош­кин», «Қа­­зақ­тың хоккейші қы­зы Зарина Тохтиева» деп айқайлап жа­тыр емес пе. Ендеше, бізге не жорық. Сайып келгенде, мұның бәрі тілі, діні, ділі бір халықтың бір-біріне деген туысқандық ма­хаббатынан туын­дап жатқан сезім. Әйтпесе, қазақ спорты мен қазақ спорт­шылары дегенде Қазақ­станды мекендейтін бүкіл ұлт пен ұлысты «Қазақ» деп ұғынып, «Қазақтар, алға!» деп ұран­дату бірте-бірте қалыптасып келеді. Алға, Қазақтар! Көсемәлі СӘТТІБАЙҰЛЫ.