Фракция төралқасының отырысы

Кеше Қазақстан Республикасы Парламенті Мәжілісінің Төрағасы, «Нұр Отан» ХДП Парламент Мәжілісіндегі фракциясының жетекшісі Орал Мұхамеджановтың төрағалығымен фракция төралқасының отырысы өтті, деп хабарлады палатаның баспасөз қызметі. Онда «Ел Президентінің 2011 жылғы 28 қаңтардағы «Бола­шақ­тың іргесін бірге қалаймыз» атты Қазақстан халқына Жолдауында жүктелген міндеттерді орындау бойынша «Нұр Отан» ХДП Қазақстан Республикасы Парламенті Мәжілісіндегі фрак­ция­сының іс-шаралары туралы» мә­селе қаралды. Сонымен қатар, төралқа мү­ше­лері аталған мәселе және  «Нұр Отан» халықтық-демо­кра­тиялық партиясының 2020 жылға дейінгі жаңа бағдар­ла­масының жобасын талқылау бой­ынша өте­тін алдағы жи­налысқа дайындық барысын да қа­растырды. Төралқа мүшелері, сондай-ақ фракция мүшелерінің «Нұр Отан» ХДП-ның 11 ақпанда өтетін ХІІІ съезінің жұ­мысына қатысуы және депу­таттардың республика өңірлеріне жасайтын алдағы сапарлары туралы мәсе­лелерді де тал­қы­лады.