Америка Кубогы. Чили финалда ойнайды

[caption id="attachment_48106" align="aligncenter" width="700"] Фото: livesport.ru[/caption] Футболдан АҚШ-та өтіп жатқан Америка Кубогы турнирінде Аргентина мен Чилидің ұлттық құрама командалары финалға шықты. Жартылай финалда Аргентина құрамасы АҚШ командасымен кездесіп, 4:0 есебімен жеңіске жетсе, Чили мен Колумбия арасында өткен матч 2:0 есебімен аяқталды. Аргентина мен АҚШ командаларының ойынында Лионель Месси ұлттық құрама сапында ең көп доп соққан шабуылшы атанды. Ол команда құрамында 112 рет алаңға шығып, 55 доп соқты.  Осы кездесуде Гонсало Игуаин дубль жасады. Бір голды қақпаның торына Эсекьель Лавесси тоғытты. Ал Колумбия мен Чили арасындағы матч бірінші таймнан кейін ауа-райының қолайсыздығына байланысты уақытша тоқтатылған болатын. Кездесу жарты сағаттан кейін ғана басталды. Бұл ойында Чили құрамасы бірінші таймнан кейін 2:0 есебімен жеңіп жатқан еді. Осы есеп ойынның соңына дейін өзгермеді. Енді үшінші орын үшін АҚШ пен Колумбия құрамалары кездеседі. Матч 26 маусым күні өтеді. Ал финал 27 маусымда болады. Колумбия – Чили – 0:2 (0:2) Голдар: Арангис 7’ – 0:1, Фуэнсалида 11’ – 0:2 Колумбия: Оспина, Ариас, Сапата, Мурильо, Фабра (Диас 73’), Карлос, Торрес, Куадрадо (Бакка 80’), Родригес, Кардона (Морено 46’), Мартинес Чили: Браво, Исла, Медель, Хара, Босежур, Арангис, Сильва, Эрнанде Пабло (Пульгар 30’), Фуэнсалида (Пуч 75’), Варгас, Санчес. Алаңнан қуылды: Карлос 57’ 23 маусым. "Солджер Филд " стадионы (Чикаго). Дастан КЕНЖАЛИН