20 миллиард теңге

Электрондық үкіметтің төлем шлюзі арқылы  өткен қаржы төлемдері осы көрсеткіштен асты Осы айда Қазақстанның электрондық үкіметінің төлем шлюзі арқылы өткен төлем­дер сомасы, жүйенің іске қосыл­ғанынан бері, бірінші рет 20 млрд. теңге белесінен асты. Оның ішінде 5,5 миллиарды қазақстандықтардың осы жыл­дың ішінде, жарты жылға жетпейтін уақыт мерзімінде, eGov арқылы төленгенін атап өткен жөн. Ал 2015 жыл­дың төлемдер статистикасын қарас­­­тырсақ, олардың көлемі 10 млрд теңгеден асқан. Көбінесе электрондық үкі­меттің төлем шлюзі арқы­лы өткен қаржыны жол қозғалы­сының ережелерін бұзғаны үшін салынған айыппұл төлемдері құрайды. Барлық төлемдердің 74 пайызы немесе 15 млрд. тең­ге­ден астамы осы көрсеткіш есе­бінде. Жиі кездесетін келесі төлем түрі – салықтар мен алым­дар – барлық төлемдердің 12 па­йызын құрады (2,3 млрд. теңге). Үшінші орында – салық­тар (7 пайыз немесе 1,4 млрд. теңге). Осыған қоса, азаматтар электрондық үкімет порта­лын өздерінің Тұрғынүйқұ­рылысжинақбанкі шоттарын толтыру мақсатында белсенді пайдалануда. Барлық төлем­дердің 6 пайызы немесе 1 млрд. теңгеден астамы осы көрсеткіш есебінде. Бюджетке төленгенін рас­тайтын құжаттарды талап етпеу мақсатында элект­рон­дық үкіметтің төлем шлюзі­нің екінші деңгейдегі 21 банкпен интеграциясы іске асы­рылғанын атап айтқан жөн. «Электрондық үкіметтің төлем шлюзі» ақпараттық жү­йесі Қазақстанда 2010 жыл­дан бері жұмыс істеу­де. Оның мақсаты – банк­тер мен мемлекеттік орган­дар­дың ақпараттық жүйелері­нің интеграциясын іске асыру арқылы қоғамды, элек­т­рон­дық үкімет шеңберінде көр­сетілетін мемлекеттік қызметтер үшін, электрондық төлеу құрал­дары­мен қам­тамасыз ету болып табы­лады. «Егемен-ақпарат»