«Егемендіктер» ерледі

Республиканың қоғамдық, эко­но­микалық, әлеуметтік-тұрмыстық, мәдени өмірінің айқын айнасы, бет-бейнесі болып келе жатқан бас ба­сылымның бедел биігінің жоға­ры­лауына ұйымшыл ұжымның қосып отырған үлесі де зор. Күндіз-түні, қысы-жазы жарғақ құлағы жастыққа тимей, жанын салып жүретін егемен­діктердің еселі еңбегі төл мереке қарсаңында еленді. Байланыс жә­не ақпарат қызметкерлерінің күні­не орай «Егемен Қазақстан» газе­ті­нің бір топ қызметкері түрлі мара­паттарға ие болды. Қазақстан Республикасының дамуы мен өркендеуіне қосқан үлесі мен мінсіз қызметі үшін Ақпарат және коммуникациялар министрлігі­нің Құрмет грамотасымен газеттің фо­то­тіл­шісі Ерлан Омаров, бет қаттаушы Әсел Алтышева, корректор Ақбаян Сна­зарова марапатталды. Ал, «Нұр Отан»  пар­тиясының БАҚ саласы бойынша жыл сайын ұйымдастыратын сайысында «Егемен Қазақстанның» Жамбыл облысы бойынша меншікті тілшісі Оралхан Дәуіт топ жарды. Ол «Нұр Сұңқар» жүлдесінің иегері атанды. «Егемен Қазақстанның» меншік­ті тілшілері өңірлердегі өткір де өзекті мәселелерді газет бетінде ұда­йы көтеріп келеді. Осындай ең­бегі еленген тілшіміздің бірі – Сол­түстік Қазақстандағы Өмір Есқали. Ол Қазақстан Республикасы Ақ­парат және коммуникациялар ми­нистрлігінің «Ақпарат саласының үздігі» төсбелгісіне және Жур­на­листер одағының «Қазақ­стан­ның құрметті журналисі» атағына ие болды. Сондай-ақ, «Ақпарат сала­сының үздігі» төсбелгісімен мара­пат­талғандардың қатарында, газеттің шолушысы Анар Төлеухан да бар. Меншікті тілшілеріміз Нәзи­ра Жәрімбетова мен Бақберген Амалбек Қостанай және Ақмола об­лысы әкімдерінің бұқаралық ақ­парат құралдары үшін арнайы тағайындаған бас жүлдесіне ие болды. Сондай-ақ, фототілшіміз Ерлан Омаров Қазақстан Журналистер ода­ғы­­ның Рахымбай Ханалиев атын­дағы сыйлығымен марапатталды. «Егемен Қазақстан» газетінің ар­дагері, Қарағанды облысында мен­шікті тілші болып қызмет еткен қа­рымды қаламгер Айқын Несіпбай «Мамандыққа адалдық» аталымы бойынша Қарағанды облысы әкімінің «Алтын сұңқар» сыйлығының иегері атанды. Әріптестерімізді осындай зор табыстарымен құттықтай отырып, ал­дағы уақытта да шығармашылық биік­­терден көріне беруіне тілектеспіз.  «Егемен-ақпарат»