Көңіл-күй сыйлаған күн

Л.Н.Гумилев атындағы Еуразия ұлттық университетінің ғалымдары мен өнерпаздары Астана күні мерекесі кезінде қала тұрғындарына ерекше көңіл-күй сыйлады. Қаладағы Ш.Иманбаева кө­шесіндегі аулаға халық көп жиналды. Мерекелік думан-тойды бастап жіберген тұрғындар алдында ЕҰУ-дің әлеуметтік-мәдени даму жөніндегі проректоры Д.Қамзабекұлы сөз сөйледі. Алаштанушы ғалым Астанадағы №14 сайлау округінен ЕҰУ ректоры Ерлан Сыдықов қа­лалық мәслихатқа депутат болып сайланғанын айта келіп, ширек ғасырда қазақ елінің ха­лықаралық қоғамдастықта лайық­ты орын алып, биік белес­ке кө­терілгенін, көк байрағымыз көк­те самғап, әлемге танылғанын жеткізді. Ал тарихшы-ғалым, «Қазақстан тарихшылары ұлт­тық конгресінің» жауапты хатшысы Зиябек Қабылдинов пен мемлекетіміздің Елтаңба авторы, профессор Жандарбек Мәлібеков жалпыхалықтық мерекеге айналған Астана күнінің мән-маңызына тоқталды. Сондай-ақ, ЕҰУ-дің «Самұрық» шоу-балет театры, «Таңшолпан», «Қа­зақ қыздары» ән-би топтары жергілікті тұрғындар алдында өнер көрсетті. «Арман қала – Астана» атты думанды кештен үлкендер жағы рухани ләззат алса, балғындар белгілі ғалымдар мен Елтаңба авторының қолынан тегін бал­мұздақ жеді. Соңынан естелік суретке түсті. «Егемен-ақпарат»