Елімізге артылған зор сенім

  Елбасымыздың адам­затқа бейбіт өмір тілеген ізгі ниеті БҰҰ тарапы­нан оң қолдау тауып отыр. Бұған еліміздің БҰҰ Қауіп­сіздік Кеңесінің тұрақты емес мүше­лігіне сайлануы дәлел бола алады. Ал­дағы екі жыл бойы «Әлем. ХХІ ғасыр» атты манифесінде көтерілген мәсе­лелердің шешімін табуына жол ашыл­мақ. Қазақстан тарапынан елдерді бір-бірімен жауластырған лаңкестік әре­кеттер мен өзге қыр­ғи-қабақ көзқа­рас­тардың алдын алуға талпыныс жасала­ды. Әрине, бейбітшілікті қалайтын бар­ша елдің басшылары, сарапшылар мен ғалымдар да, тіпті бизнесмендер мен өнер қайраткерлері де, сан мил­лиондаған адамдардың бәрі де әлем­нің тыныштығы үшін бір мүддеге тоғысады. Қазақстанның бей­­біт­шілікті сақтау жо­лы­н­дағы байыпты бас­тамалары мен табан­ды ізденістерін қол­дайды. Өйткені, Елбасы өз манифесінде «Біз балаларымыз бен неме­ре­леріміздің бола­шағы туралы ойлауға тиіспіз. Өткен ғасырлардың қасіретті қателіктерін қай­талауға жол бермей, әлемді соғыс қатерінен түпкілікті арылту үшін бүкіл әлем үкіметтерінің, саясаткерлерінің, ғалым­дары­ның, бизнесмендерінің, өнер қайраткерлерінің және миллион­даған адамдарының күш-жігерін жұмылдыру қажет. Іс-әрекетсіз отыру немесе бітімгершілік қызметпен айналысқан кейіп көрсету әлемдік апатпен барабар» деп жаһан жұртына үндеу тастаған еді. Қазақстанды ядролық қарусыз мем­лекетке айналдырып, әлемдік көш­басшылардың барлығына үлгі-өнеге көрсеткен Нұрсұлтан Назарбаев «Біз­дер, мемлекет басшылары мен саясаткерлер, адамзаттың болашағы үшін зор жауапкершілік арқалап отырмыз. Көп­теген тар жол, тайғақ кешуден өткен адам, саясаткер ретінде, Семей ядро­лық полигонын жабу туралы күрделі шешім қабылдаған мемлекет қайраткері ретінде мен әлемдік лидерлер мен бүкіл халықаралық қоғамдастыққа ақыл-парасатқа жүгі­ніңдер деген табанды талаппен қайрылып отырмын. Адамзатты ажал сепкен соғыс қатерінен мүлде арылту үшін қолымыздан келгеннің бәрін жасауымыз керек. Біз үшін қазір және таяу болашақта бұдан көкейкесті міндет жоқ», деп жаһанның тыныштығын сақтауға баршаны шақырды. Әлемнің тыныштығы үшін күреске шақырған Елбасының осындай өміршең ұсыныстары БҰҰ тарапынан қолдау тапты. Тегінде адам қолымен жасалатын қауіп-қатерлердің, лаңкестік әрекеттердің алдын алуға баршаның жұмылуы қажет. Сонда ғана әлемде тыныштық орнайды. Юрий КУСТАДИНЧЕВ, «Возраждение» болгар этномәдени бірлестігінің төрағасы,  Атырау облыстық мәслихатының депутаты АТЫРАУ