Елбасы қабылдады

Елбасы Нұрсұлтан Назарбаев Ақмола об­лы­сының әкімі Сергей Кулагинді қабылдады, деп хабарлады Президенттің баспасөз қызметі. Кездесу барысында С.Кула­гин Мемлекет басшысына өңір­дің негізгі әлеуметтік-эко­но­микалық көрсеткіштері, мем­лекеттік бағдарламалардың жүзе­ге асырылу барысы, сондай-ақ, алдағы кезеңге арналған жос­пар­лары туралы баяндады. Нұрсұлтан Назарбаев өндіріс көлемін ұлғайту және жаңа жұмыс орындарын ашу мақсатымен «Нұрлы Жол» бағдарламасы аясында шағын және орта бизнес­ті қолдау жұмыстарын жалғас­тыру қажеттігіне назар аударды. Қазақстан Президенті жылу беру маусымына уақтылы әрі сапалы дайындалудың маңыздылығын да атап өтті. Ақмола облысының әкімі биыл­ғы бірінші жартыжыл­дық­тың қорытындысы бойын­ша нақты сектор салаларында өсім көрсеткіші қамтамасыз етілгенін айтты. Айталық, өнеркәсіп сала­сында өндірістің нақты көлем индексі 106,5 пайызға жетіп, рес­публика бойынша көшбас­шылық көрсеткішке жетті. С.Кулагиннің айтуынша, Ин­дустрияландыру картасы ая­сын­да жүзеге асырылған 62 жоба 6 мыңнан астам жұмыс ор­нын ашуға мүмкіндік берген. Жыл аяғына дейін тағы 20 жаңа жобаны іске қосу жоспарлан­ған. Ауыл шаруашылығында мал басы мен құстың өсімі қамтама­сыз етіліп, мал шаруашылығы өнім­дерінің өндірісі ұлғайды. Өңір­дегі ауылшаруашылық дақыл­дарының егіс алқабы 4,2 мил­лион гектар болса, соның 3,8 миллион гектарына астық егілген. Қазақстан Президентіне Ас­та­­­наның айналасында «азық-түлік белдеуін» дамыту аясында жүргізіліп жатқан жұмыстар мен іске қосу жоспарланып отырған бірқатар жаңа жобалар туралы да баяндалды. Мемлекет басшысы кездесу қорытындысы бойынша бірқатар нақты тапсырмалар берді. Суретті түсіргендер С.БОНДАРЕНКО, Б.ОТАРБАЕВ