Мәтібұлақ полигонындағы маневр

Елбасы – Қазақстан Республи­касы Қарулы Күштерінің Жоғары Бас қолбасшысының тапсырма­сына сәйкес әскерлердің жауын­герлік даярлығына, олардың да­лалық жағдайдағы жаттығу дең­гейін жоғарылатуға, ұрыс қимыл­дарын жүргізу әдістерін жетілдіруге барынша мән берілуде.  Осы­ған байланысты ағымдағы оқу жылының негізгі іс-шараларымен республика Қарулы Күштерінің Құрлық әскерлерінде жауынгер­лік даярлық бойынша кең кө­лемдегі оқу-жаттығулар жалға­суда. Мәселен, қазіргі таңда қо­лайсыз қысқы ауа райына қара­мастан, «Оңтүстік» өңірлік қол­бас­шылығының жеке құрамы қол­басшылық басшысы генерал-майор Әлихан Жарболовтың жетекшілігімен «Мәтібұлақ» поли­го­нында ұрыс қимылдарын жүр­гізуге жаттығуда. Құрлық әскерлерінің «Мәтібұ­лақ» полигоны ТМД аумағындағы ең ірі полигон болып табылады. Оның көлемі 160 мың гектарды құрайды. Полигонның үлкен ау­мағы артиллерия мен авиацияны қатыстыра отырып, кең көлемдегі тактикалық жаттығуларды өткізу­ге толық мүмкіндік береді. Аталған полигонда өңірлік қолбасшылыққа қарасты 35748-ші және 82796-шы әскери бөлім­дері шоғырланған. 35748 әскери бөлімі жаңадан құрылған құрама екендігін атап өткен жөн. Ол заманауи талаптарға сай жаңа қару-жарақ пен әскери техникамен толықтай жасақталған. Бөлімнің жеке құрамы далалық лагерьге ұзақ жолды жүріп жетті. Олар өздері шоғырланған Шымкент қаласынан «Мәтібұлақ» полиго­нына дейінгі аралықта жауын­герлік техникамен шеру жасады. Бұл жауынгерлік әзірлік саласын­дағы оқу-жаттығудың негізгі шарт­­тарының бірі болып табылады. Дәл қазір полигонда шоғыр­ланған мотоатқыштар мен танкшілер кез келген жауынгерлік тап­сырмаларды орындауға сақа­дай-сай десе болады. Олар жа­уынгерлік мақсаттағы ауданға кел­ген күннен бастап, жаттығу түріндегі ұрыс қимылдарын жүр­гізу шараларын өткізіп жатыр. Сонымен бірге 82796-шы әс­кери бөлімінің жеке құрамы да полигонда жауынгерлік даярлық бойынша іс-шаралар өткізуде. Қарулы қақтығыстарда қарсы­ласқа оқ жаудыру тапсыр­ма­сының 80 пайызын артиллерия орын­дайды. Осы артиллерия­шы­лар «Мә­тібұлақ» полигонында мото­атқыштар және танк бөлім­дерімен бірлесіп, оқ жаудыру мен жа­уынгерлік іс-әрекеттерде қолдау көрсету бойынша оқу-жа­уын­герлік тапсырмаларын орындауда. Оқудың жалпы мақсаты әр буындағы командирлер мен жеке құрамға жауынгерлік қимылдарға дайындық пен оны жүргізу тә­жірибесін пысықтау болып та­былады. Мұнда тылдық қам­тамасыз ету мәселесіне де ерекше назар аударылып отыр. Соғыстар мен қарулы қақтығыстар тарихы көрсеткендей, дала жағдайында киім-кешек, азық-түлік, жанармай, медициналық қамтамасыз ету шешуші рөл атқарады. Оқу-жаттығулар өткізілетін аудандарға тылдық, техникалық және медициналық қамтамасыз ету орындары толықтай жай­ғастырылды. Осындағы далалық наубайхана, кір жуу орны, монша талапқа сай. Шеруден соң оқу-жат­тығу­лар­ға қатысушылар нақты жа­уынгерлік іс-әрекеттерге даяр­лық­ты бастады. Одан кейін сарбаздар жаттығу түріндегі қарсы шабуыл мен жауынгерлік атысты қолдану арқылы қорғану ұрыстары өткізілетін мекенге шығады. Оқу-жаттығуларды өткізу кезінде жауынгерлік тәртіпке, атыс жүйесіне, аймақты дұрыс қолдану қабілетіне, атыс, соққы мен маневрлерді сауатты үйлестіруге үлкен көңіл бөлінеді. Ақпан айының ортасында осы «Мәтібұлақ» полигонында бри­гадалық-тактикалық жат­ты­ғулар­дың шешуші кезеңі өтетін болады. Оған Құрлық әскер­лерінің десанттық-шабуылдаушы, механикаландырылған және ар­тил­лериялық бригадалары қа­тысып, нақты жауынгерлік атыс­тарды пысықтайды. Мұхарбек МАХАМБЕТ, подполковник Қорғаныс министрлігі баспасөз қызметінің өкілі.