Алматыда лаңкестік қауіптіліктің «қызыл» деңгейі алынып тасталды

[caption id="attachment_51846" align="aligncenter" width="601"] today.kz[/caption] Алматы қаласының терроризмге қарсы күрес бойынша шұғыл штабына сілтеме жасаған inform.kz-тің ақпары бойынша, шаһар аумағында лаңкестік қауіптіліктің «қызыл» деңгейі алынып тасталды. «Алматы қаласы аумағында лаңкестік қауіптіліктің «қызыл» деңгейі алынып тасталды. Заңсыз әрекет жасаған күдікті ұсталды. Ұстау барысында ол қарсылық көрсетті. Сондықтан қарусыздандырылды. Қазір ұсталған күдікті қамауға алынды. Жедел және әлеуметтік кешенді шаралар барысында мынадай жәйттер анықталды. Бүгін таңертең күдікті жеке такси жүргізушісіне қарақшылық шабуыл жасады. Соның салдарынан жас әйел – таксидегі жолаушы қаза тапты. Қазір қалада жағдай тұрақталды. Қауіп-қатер сейілді. Құқық қорғау органдары жағдайды толығымен бақылауға алды», – делінген хабарламада. Айдар ӨРІСБАЕВ