- Қазатомөнеркәсіп пен қытайлық компаниялар атом саласындағы ынтымақтастықты нығайтуда. Компаниялар басшылары бірлескен Қазақстан-Қытай жобаларын одан әрі жүзеге асыру, сондай-ақ еліміздің атом саласына инвестиция тарту мәселелерін талқылады.
- Биылғы жарты жылда Қазақстан бойынша транзиттік пойыз көлемі 13 пайызға артты. Жаңадан ашылған Шалқар-Бейнеу, Жезқазған-Сексеуіл, Арқалық-Шұбаркөл теміржол желілерімен алты айда 5 миллион тонна жүк жіберілген.
- ЭКСПО-2017 көрмесіне дайындық аясында Астанада физика бойынша халықаралық ғылыми конференция өтуде. Аталмыш конференция инерциялды термоядролық синтезді энергияны дамытудың жаңа бағыттарын зерттеу мәселелері бойынша жұмыс істеуде.
- Жарты жылда Астана-Щучье автожолынан 533 млн. теңгеден астам қаржы жиналды. 2016 жылдың бірінші жарты жылдығында жүйеге 1 млн. 200 мың автокөліктің өткені тіркелген. Бұл 2015 жылдың осы кезеңімен салыстырғанда, көлік ағыны 2,8 пайызға артқанын көрсетеді.
- Алматы облысының кәсіпкерлеріне 3 ай ішінде 578 млн. теңгеге қолдау көрсетілді. Тоқсан ішінде «Даму» қоры кәсіпкерлердің несиелерін субсидиялау бойынша 34 келісімшартқа қол қойды. Сонымен қатар, кепілдік беру бойынша сомасы 510 млн. теңге болатын 29 келісімшарт мақұлданды.
- Оңтүстік Қазақстан облысының делегациясы Малайзияда IT-технологияларды енгізу тәжірибесімен танысты. Аталған іскерлік сапардың негізгі мақсаты облыстың экономикасына Малайзия инвесторларын тартып, іске қосылған жобалармен танысу болатын.
- Қарағанды облысының кәсіпкерлері «Даму» қоры арқылы 484,6 млн. теңгенің несиесіне ие болды. «Бизнестің жол картасы – 2020» бағдарламасының жүзеге асырылуынан бастап субсидиялау бойынша Аймақтық үйлестіру кеңесінде жалпы сомасы 102,8 млрд. теңгенің 657 жобасы мақұлданған.
