Таиландта өткен байқауда қазақстандық жігіт жүлдеге ие болды

[caption id="attachment_52942" align="aligncenter" width="694"] Фото: tengrinews.kz[/caption] Таиландта өткен Mister Teen International 2016 байқауында 16 жастағы қазақстандық Сүлеймен Сұлтанов 1-орын иеленді. Ол байқауда өзінің домбыра тартудағы өнерін көрсетті. Мәліметтерге сәйкес, 15 шілдеде Алматыда өткен «Қазақстан мистері 2016» конкурсында Сүлеймен «Қазақстанның жас мырзасы-2016» бас жүлдесін жеңіп алған болатын. Осы арқылы ол Таиландтағы халықаралық байқауға қатысуға мүмкіндік алды. «Мен қолымнан келгеннің бәрін жасадым. Еңбегімнің зая кетпегеніне қуанамын. Таиландта естен кетпес күндерім өтті. Қатысушылардың бәрі мықты. Әншілік, бишілік өнері таң қалдырады. Бұл байқауда барлығы 56 елден келген қатысушылар бағын сынады», – деді Сүлеймен Сұлтанов. tengrinews.kz ақпары бойынша, Мауior Mister International 2016 («Кішкентай мырза») номинациясында 1-орынды тағы бір отандасымыз Алмаз Қадыров иеленді. Аян ӘБДУӘЛИ