Туристер жиі тоналатын қалалар

Беделді туристік компа­ниялардың бірі қалта қаққыш ұрылары көп қалалардың тізімін жариялады. Тізімнің көш басында Барсе­лона тұр. Барселонада күн сайын ор­та есеп­пен 300 адам әмиянынан не­месе сөмкесінен айырылады екен. Жұрт «махаббат қаласы» атап кеткен Париж де ұрылар үшін «жемісті» жер саналады. Мон­мартр алаңында, Эйфель мұна­расының маңайында аңғал туристерді қан қақсататындардың кесі­рінен Париж екінші орынды иеленді. Үшінші орынға Испания ас­танасы Мадрид жайғасты. Мадридтің метролары туристер үшін ғана емес, жер­гілікті халық үшін де қауіпті саналады. Прага мен Рим де турис­тер жиі тоналатын қала­лардың бестігіне еніп отыр. Әсіресе, Римдегі Коли­зей­де күн сайын ондаған ту­рист қалта қаққыштардың құрбаны бо­лады екен.  Нұртөре САМАРҚАН