«Нұрлы Жол» нысандарымен танысты

Парламент Мәжілісінің депутаты, Мәжілістегі «Нұр Отан» партиясы фракциясының мүшесі Павел Казанцев Өскемен қаласындағы «Нұрлы Жол» бағдарламасы бо­йынша салынған құрылыс нысандарымен танысты. Депутат жұмыс сапарын облыс орталығында жаңадан бой көтеріп жатқан көпқабатты тұр­ғын үй кешенін көруден бас­тады. Аталған ғимарат негізінен «Қолжетімді бас­пана-2020» бағдарламасы бойынша салынып жатыр. Көппәтерлі үйдің жалпы құны 661,902 миллион теңгені құрайды. Қазіргі таңда құры­лыстың 90 пайызы аяқ­тал­ған. Мер­дігер мекеменің бас инже­нері Исмаил Алиевтің айтуынша, жұмыс тәртібі кес­теге сәйкес орын­далып келе­ді. «Бүгінгі күні бір ауы­сыммен жұ­мыс атқарсақ, келе­сі аптада ны­сан­ды белгіленген уақытында пай­да­лануға беру мақсатында үш ауы­сым­мен жұмыс істейтін боламыз», – деді ол. Жоспар бойынша, нысан тамыз айының ортасында тапсы­рылуы тиіс. П.Казанцев «Қазақстан жиһаз және ағаш өңдеу өндіріс кәсіпорындарының қауым­дас­тығы» өкілдерімен де кез­десу өткізді. Басқосу барысында  Мәжіліс депутаты «100 нақты қадам» Ұлт Жоспары, Елбасы­ның халы­ққа Жолдауы және «Мәңгі­лік Ел» ұлт­тық идеясында берілген бағыт­­тар бойынша әңгімелеп, көтеріл­ген мәселелерді бақылауына ала­тын­дығын айтты.  Думан АНАШ, «Егемен Қазақстан» ӨСКЕМЕН