Тергеу ісі қадағалауға алынды

  «Егемен Қазақстан» газетінің 18.06.2016 жылғы санында «Егеменге» елден келді» айдарымен «Тентіреткен тергеу ісі» атты мақала жарияланған еді. Онда кез інде өзі де тергеуші болып жұмыс істеген А.Сәтмұханбетовтің баласының өліміне қатысты құқық қорғау органдарын айыптаған шағы­мын­дағы келеңсіздік, яғни қызмет бабында жүріп көлік апатына ұшыраған поли­ция офицерінің бірнеше сағат бойы өліммен арпалысқан халі, оны құт­қарып қалуға болатындығы жайын­дағы дәрігерлердің өзекті өртер тұжы­рымы, дәрменсіз жанның жеке мүл­кінің тоналуына жол берген полиция қызметкерлерінің селқостық танытуы туралы жан-жақты ашылып көрсетілді. Осыған орай Шығыс Қазақстан облыстық прокурорының бірінші орынбасары Р.Әпековтің атынан редакциямызға хат келіп түсті. Облыс прокурорының бірін­ші орынбасары мәлім еткендей, 17.11.2014 жылы Аягөз ауданының про­­ку­ра­турасы тарапынан ҚК-нің 316-бабымен қылмыстық іс қозғалып, алдын ала тергеуді жалғастыру үшін іс тергеу реттілігімен тиісті органға жолданыпты. Алайда қылмыстық іс бірнеше рет өндірістен тоқтатылып (қысқартылып), сотқа дейінгі тергеп-тексеру толық көлемде жүргізілмеуіне байланысты қылмыстық істі тоқтату туралы қаулылар бұзылған. Соңғы рет, яғни 20.04.2016 жылы Шы­ғыс Қазақстан облысы бойынша Сы­бай­лас жемқорлықтың алдын алу жөнін­дегі ұлттық бюро департаментінің басшысы Б.Байниязов ҚПК-нің 35-бабы 1-бөлігі 2-тармағы негізінде қылмыстық істі тоқтату туралы қаулы шығарған. Алайда қылмыстық іс құжаттарымен танысу барысында істі тоқтату туралы қаулы істің мән-жайы оъективті түр­де жан-жақты және толық тексеріл­мей, негізсіз шы­ғарыл­ғандығы анық­тал­ды. Сөйтіп, қазіргі күні газетте келті­ріл­ген факті­лер расталып, енді қыл­мыс­тық істің тергелуі Аягөз аудандық про­куро­ры­ның қадағалауына алыныпты. «Егемен-ақпарат»