Ғалымдар өзгеше талдау жүргізді

«Күні бойы қозғалмастан бір орында отырып, жұмыс атқаратын жандар  шамамен 60-75 минуттай бірқалыпты физикалық жаттығумен шұғылдануы керек». Норвегия мен Австралияның, сондай-ақ, АҚШ-тың медицина сала­сының мамандары, міне, осындай қоры­тындыға келді. Олардың зерттеу қоры­тындысы Lancet журналында жарияланды. Оқырмандар бұл туралы Кембридж университетінің сайтынан да көре алады. Мамандар «Бірқалыпты физикалық жаттығумен шұғылдану» дегенде, «сағатына 4,8 шақырымнан кем болмайтындай жаяу жүру немесе сағатына 16 шақырымнан кем болмайтындай велосипедпен жүру» секілді  бірқатар ережелерді сақтау қажеттігін меңзеген. Ғалымдар бұл жөнінде: «60-75 минут бойы жаттығу жасау, әсіресе,  әр күн сайын үстел басында 8 сағаттай оты­рып, тапжылмастан жұмыс істей­тін азаматтар үшін пайдалы болар еді» дегенді айтады.  Олар де­нені шы­нық­тыру мақсатындағы  мұн­дай жат­ты­ғулар тиімдірек болу үшін  шы­нығу уақытын уақыт бойынша белгілеу де артық етпейтініне тоқталған. Сонымен қатар, медицина мамандары офис қызметкерлерінің денсаулығына әсер ететін формуланы да әзірлеп  шы­ғарған. Оған сәйкес,  әр адам әрбір  20 минут сайын шамамен 8 минутқа орнынан тұрып, одан кейін 2 минут бойы жаяу жүру керек екен. Швед ғалымдары жүргізген зерттеу нәтижелері де осы қорытындының дұрыстығын дәлелдей түседі. Олардың ойынша,  өмірден ерте өтудің негізгі себебі,  темекі  және төмен деңгейдегі физикалық белсенділік екен. Ләйла ЕДІЛҚЫЗЫ, «Егемен Қазақстан»