Рио-2016: Боксшы Жәнібек Әлімханұлы бірінші жеңісіне жетті

Рио-де-Жанейрода өтіп жатқан Олимпиялық ойындардағы бокс турнирінің 1/16 финалдық кезеңінде 75 кг салмақ дәрежесіндегі қазақстандық Жәнібек Әлімханұлы ұлыбританиялық Энтони Фоулерді айқын басымдықпен жеңіп, 1/8 финалға қадам басты. Жекпе-жекте біздің бағлан тәжірибелі қарсыласын оңды-солды соққының астына алды. Бұл өз нәтижесіне жеткізді. Төрешілер жеңісті бір ауыздан берді. Жәнібектің жеңісті жолы жаңа басталды. Дамир ҚОЖАМҚҰЛ