Үрейлі көпір үшеу болды

Қытайдың Хунань провин­ция­сында шыныдан жасалған көпір ашылды. Тяньмэнь тауын айналып өтетін көпірдің биіктігі 1 500 метр шамасында. Жүрек жұт­қан жүргіншілер осынша би­іктікте енді 100 метр жерді әй­нектің беті­­мен жүріп өтуге тиіс. Көпірдің едені 3 қабатты әй­нек­тен жасалған. Ол 2 тон­наға жуық салмаққа төтеп береді, +60 тем­пературада, жылдамдығы 220 шақырым сағат соғатын желдің кезінде де қасиетін жоғалтпайды. Құрылыс салушы компа­ния­ның айтуынша, шыны көпірді жуып-тазалайтын адамдарды табу оңай емес екен. Сол үшін турис­терге аяқ киімінің сыртынан ба­хил кию­ге тура келеді. Оларға еш­қандай сақтандыру белдігі берілмейді. Арнайы дайындалған мамандар ғана туристерге кез келген уақытта көпірден өтуге жәр­демдесіп, мо­раль­­дық көмек беруге әзір. Бұл Қытайдағы әйнектен жа­­салған үшінші көпір екенін айта кету керек. Бұл жолғысы осы­­лар­дың ішіндегі ең биігі әрі ұзыны екен. Нұрхан АСҚАР