10-11 тамыз күндері Қазақстан спортшылары қатысатын жарыстар

Бүгін Рио-де-Жанейрода Қазақстан спортшылары жарыстың 6 түрі бойынша жарыс жолына шығады. Отандастарымыздың бірінші жарысы сағат 18.00-де басталады. Осы кезде 50 метрден ерлер арасында тапаншамен ату бойынша іріктеу сыны өтеді. Оған Владимир Исаченко мен Рашид Юнусметов қатысады. Сағат 21:00-де финалдың 1/32 финалда садақ атудан Луиза Сайдиева украиналық Анастасия Павловамен сынға түседі. Одан кейін сағат 22.05-те семсерлесуден 1/16 финалда Илья Мокрецов пен америкалық Дэрил Гомер күш сынасады. Әйелдер арасындағы ауыр атлетика жарысы сағат 00.30-да басталады. Онда 69 килоға дейінгі салмақтағы Жазира Жаппарқұл сынға түседі. Ал сағат 4.00-де болатын ерлер арасындағы сайысқа 77 кило салмақтағы Ниджат Рахимов дайындалып жатыр. Сағат 2.00-де шаршы алаңға боксшылар шығады. Алғашқы болып рингке 49 килоға дейінгі салмақтағы Біржан Жақыпов көтеріледі. Ол өзбек Хасанбой Дусматовпен қолғап түйістіреді.  Осыдан кейін сағат 4.30-да 91 килоға дейінгі салмақта Василий Левит маврикийлік Кеннеди Сент-Пьерпен жұдырықтасады. 11 тамызда ерлер арасында брасс әдісі бойынша 200 метрге финалдық сайыс өтеді. Онда Дмитрий Баландин бағын сынайды. Бұл жарыс Астана уақыты бойынша сағат 7.00-де басталады. Дастан КЕНЖАЛИН Фото: supersolnishco.net