Рио – 2016: Боксшы Дычко Меджидовпен кездеседі

Қазақстандық аса ауыр салмақтағы боксшы Иван Дычконың 1/8 финалдағы қарсыласы белгілі болды. Ол  әзербайжандық Магомедрасул Меджидовпен кездеседі. Бұл жекпе-жек Астана уақытымен сағат 4.45-те басталады. Меджидов Олимпиадада бір кездесуін өткізді. Ол 1/16 финалда марокколық Мұхаммед Арджауиді жеңген. Ал Дычко жеребе бойынша жарысты 1/8 финалдан бастайды. Бұған дейін екеуі екі рет кездескен болатын. Біріншісінде 2011 жылы Бакуде өткен әлем чемпионатында Меджидов жартылай финалда жеңген. Екіншісінде 2013 жылы Алматыда өткен әлем чемпионаты финалында Дычко нокуатқа түсіп қалған. Сол кезде әзербайжандық боксшы Дычконы ноуактқа жіберіп, жеңген еді. Бұл жігіттің соққылары жаман. Шаршы алаңда оның соққыларының «дәмін» татқан боксшылардың айтуынша, нокауттан кейін адам бірден есеңгіреп, жатқан жерінен тұра алмауы да мүмкін. Отандасымыз осының бәрін жақсы біледі. Ол есе қайтаратын кездің келгенін де түсінеді. Дастан КЕНЖАЛИН Фото: kfb.kz