Дубайда тағы бір зәулім ғимарат салынып жатыр

ZAS Architects фирмасы әзірлеген зәулім ғимараттар жобасының құны 550 миллион долларға баға­ланған. naked-science.ru ақпары бойынша, зәулім екі ғимараттан тұратын биік мұнаралардың жалпы аумағы 186 мың шаршы метр болады. Екеуі де 53 қабаттан тұрады. Олардың бірінде бірінші санаттағы 448 бөлмелік қонақүй болса, екіншісінде 280 пәтер бар. Ғимарат ішінің кіре берісі келушілерді үлкен тропикалық орманда жүргендей сезімде қалдыратын арнайы 3D жобалармен жабдықталған. Қосымша аудиовизуалды, роботты техника мен 3D технологиялар оның әсерін күшейте түсетін болады. Жаңа ғимараттардың басты ерекшелігі – ішінде аумағы 7000 шаршы метрді құрайтын тропикалық орман орналасатындығы. Бұл жерде қоғамдық аттракциондар, тропикалық өсімдіктер және тропикалық ылғалды ауа жүйесі бар. Архитекторлардың айтуынша, мұндай ылғалды ауа жүйесі тұман мен жаңбырды шынайы сезінуге мүмкіндік береді. Келушілерге ар­налған бірнеше демалыс орны, бассейн, жағажай, түрлі дәмханалар, сарқырамалар болады. Жобаны әзірлеушілер ғимараттың ал­дыңғы қатарлы технологиялармен жаб­дық­талғанын мәлімдеді. Жүкті жылдам қоз­ғалатын лифтілермен бөлмеге жеткізетін роботты жүйе орнатылған. Ғи­мараттың құрылысын 2018 жылы аяқтау жоспарланған. Аян ӘБДУӘЛИ, «Егемен Қазақстан»