Аймақ нысандарын аралады

Парламент Сенатының депутаттары Бақтыбай Шелпеков пен Михаил Бортник Маңғыстау облысында жұмыс сапарымен болды, деп хабарлады Парламент Сенатының баспасөз қызметі. Б.Шелпеков аймақтың алғашқы жартыжылдықтағы әлеуметтік-экономикалық дамуының қоры­тындылары қаралған облыстық мәслихаттың сессиясына қатысты. Сенатор өз сөзінде Мемлекет бас­шы­сының «100 нақты қадам» – Ұлт Жос­парында алға қойылған стра­тегиялық міндеттер жайын­да айта келіп, Парламенттің рефор­маларды заңнамалық тұрғыда қам­тамасыз ету қызметіне тоқтал­ды. Депу­тат денсаулық сақтау, тұрғын үй құры­лысы салалары және облыс­тың транзиттік әлеуеті мен жергілікті полиция қыз­метін жақсарту жөніндегі өзек­ті мәселелер туралы өз ойларын ор­т­аға салды. Жергілікті тұрғындар және еңбек ұжымдарымен кездесу барысында Б.Шелпеков пен М.Бортник ай­мақ­тың қазіргі кездегі дамуымен та­нысты. Әуелде сенаторлар Ақтау қа­ла­сының жұртшылығымен кездесті. Одан соң «Нұрлы Жол» бағ­дар­ламасы аясында салынып жатқан Бейнеу – Шетпе – Жеті­бай – Ақтау автомобиль жолын жаң­ғырту барысымен танысты. Сенат депутаттары Қарақия ауданына барып, аудан­дық мәслихат депутаттарымен, ауыл ақсақалдары және тұрғындармен  кездесті. Сапар бағдарламасына сай Құрық теңіз портында салынып жатқан нысандарда да болды.