Сербия Елбасыға ерекше құрмет көрсетті

Сербияның әуе кеңістігіне кірген Қазақстан Президентінің ұшағын көшбасшыға көрсетілетін рәсім бойынша төрт әскери жойғыш ұшақ қарсы алып, әуежайға дейін қанаттаса ұшып барды. Ал Белград әуежайында Мемлекет басшысын Сербия Президенті Томислав Николич күтіп алды. Нұрсұлтан Назарбаев Сербияға ресми сапары аясында осы елдің Президентімен шағын және кеңейтілген құрамда келіссөздер өткізеді деп жоспарланған. Оның қорытындысы бойынша бірқатар екіжақты құжаттарға қол қою көзделген. Бұдан бөлек, Қазақстан Президентінің Сербия Премьер-Министрі Александр Вучичпен, Сербия Патриархы Иринеймен кездесуі, сондай-ақ Белград қаласында Жамбыл Жабаевтың ескерткішін ашу салтанатты рәсіміне қатысуы жоспарланып отыр. Арнұр Асқар, "Егемен Қазақстан"