Жұмыссыздықты жою жолында

Ақтөбе қалалық жұмыспен қамту орталығының мамандары Елбасы Н.Назарбаевтың «100 нақты қадам» Ұлт Жос­парын, бес институттық рефор­маны жүзеге асыруға бағыт­талған тапсырмаларды орындау және ақтөбеліктерге «Жұмыс­пен қамтудың жол картасы- 2020» және «Өрлеу» бағдар­ла­маларының тиімділігін жан-жақты түсіндіру мақсатында тұрғындармен кездесулер ұйым­дастырып келеді. Бұл шараны орталық мамандары «Қамқор» акциясы аясында өткізуді қолға алған. Үстіміздегі жылғы 3 мау­сымнан басталған акция бұған дейін қаланың «Шығыс» базары мен халыққа қызмет көрсету орталығында өткізілді. «Қамқор» акциясы аясында орталық мамандары қала тұр­­­ғын­дарына аталған мем­ле­кеттік бағдарламалардың бар­лық ба­ғыттарын түсіндіріп, ақпа­раттық жұмыстар жүргізеді. Бұл жолғы жұртшылықпен жүз­десу «Алтай» базарында ұйым­дастырылды. Ақтөбе қалалық жұмыспен қамту орталығының директоры Гүлшат Қаңтарбаеваның айтуынша, халыққа мемлекеттік бағдарламаның тиімділігін осындай акция түрінде, бос жұмыс орындары жәрмеңкесі, тренингтер мен дөңгелек үстел отырыс­тарын ұйымдастыру арқылы түсіндіріп келген. Мақсат жұмыс­сыз, өзін-өзі жұмыспен қамтыған және әлеуметтік жағынан аз қамтылған отбасы мүшелерін «Жұмыспен қамтудың жол картасы-2020» және «Өрлеу» бағдарламаларына қатыстыру арқылы халықтың әл-ауқатын көтеру әрі қала тұрғындарын мем­лекеттен көрсетілетін әлеу­меттік көмек түрлерімен ақпарат­тандыру болып табылады. Бұл жолы қаладағы 116 мекеме 833 бос жұмыс орнын ұсын­ды. Жыл басынан бері қала­да 5 бос жұмыс орындары жәр­меңкесі ұйымдастырылды. Нәти­жесінде 189 адам жұмысқа орна­ласқан. «Бос жұмыс орындары жәрмеңкесі» мен «Қамқор» ак­циясын шатастыруға болмайды. Өйткені жәрмеңкеге жұмыс бе­руші мекеменің өкілдері қатысса, ал акция аясында орта­лық мамандары тұрғындарға бос жұмыс орындарын айтып, тү­сіндіру жұмыстарын жүргізеді. Осын­дай жұмыстардың нәти­же­сінде, яғни бұған дейін ұйым­дас­­тырылған «Қамқор» акциясы бо­йынша 40 адам жұмысқа орналасқан. Мамандардың айтуынша, қазір қала мектептеріне баста­уыш сынып мұғалімдері мен құ­рылысшыларға сұраныс жо­ғары. Сондай-ақ қаланы көркейту, абаттандыру шараларына 29 жасқа дейінгі жұмыссыз жүрген жас­тарды уақытша еңбекке тарту мүмкіндігі қарастырылған.  Сатыбалды СӘУІРБАЙ, «Егемен Қазақстан» Ақтөбе облысы