Зейнетақы көтерудің заңдық кепілі

2016 жылғы 10 тамызда жоспар-кестелерде көзделген әскери қызметшілердің (мерзімді қыз­меттегі әскери қызметшілерден басқа), арнаулы мемлекеттік және құқық қорғау органдары, мемлекеттік фельдъегерлік қызмет қызметкерлерінің, сондай-ақ арнаулы атақтарға, сыныптық шендерге ие болу және нысанды киім киіп жүру құқықтары 2012 жылғы 1 қаңтардан бастап жойылған тұлғалардың пайдасына бюджет қаражаты есебінен бұрын аударылған міндетті зейнетақы жарналарының 50 пайызын республикалық бюджетке қайтару шаралары аяқталды.  Аталған шараның 2016 жылғы 18 ақпанда басталғанын еске сала кетейік. Жоспар-кестелерде белгіленген мерзімдер мен шаралар Денсаулық сақтау және әлеуметтік даму министрлігімен, Ұлттық банкпен және тиісті уәкілетті мемлекеттік органдармен келісілді. Әскери қызметшілердің және күштік құрылымдар қызмет­кер­лерінің пайдасына бюджет қаражаты есебінен бұрын ауда­­рылған міндетті зейнетақы жар­наларының 50 па­йызын республикалық бюджетке қайтару – аталған санаттағы азаматтарды толық мемлекеттік зейнетақымен қам­­сыздандыруға ауыстырудың міндетті талабы. Аталған шара олар­дың зейнетақы мөлшерін елеу­лі түрде көбейтуге мүмкіндік береді. Зейнетақы жинақтарының қалған бөлігін пайдалану құқығы әскери қызметшілер мен күштік құрылымдар қызметкерлеріне зейнетақы заңнамасының нормаларына сәйкес жалпы негіздер бойынша беріледі. Қандай да бір себеппен жарналарының 50 пайызы қайтарылмаған әскери қызметшілер мен күштік құрылымдар қызметкерлері де зейнетақы төлемдерін осы талаптарға сәйкес алады. Әскери қызметшілер мен күш­тік құрылымдар қызмет­керлерінің пайдасына міндетті зейнетақы жарналарын төлеу 2016 жылғы 1 қаңтардан бастап тоқтатылды. Осы кезеңнен бастап «толық емес» көлемде еңбек сіңірген жылдары бойынша зейнетақы төлемдерін алатын (1998 жылғы 1 қаңтардағы жағдай бойынша қызмет мерзімі 10 жылдан аз) әскери қызметшілер мен күштік құрылымдар қызметкерлерінің зейнетақы мөлшері міндетті зейнетақы жарналарының сомасынан 50 пайызды жеке зейнетақы шотынан есептен шығару туралы БЖЗҚ растау-анықтамасының негізінде қайта есептеледі. Сонымен қатар міндетті зей­нетақы жарналарының сомасынан 50 пайызды жеке зейнетақы шотынан есептен шығару туралы БЖЗҚ растау-анықтамасын өткізу – 1998 жылғы 1 қаңтарда қызметке алғаш кіріскен әскери қызметшілер мен күштік құрылымдар қыз­мет­кер­ле­ріне еңбек сіңірген жылдары бойынша мемлекеттік бюджет­тен зейнетақы тағайындау талап­та­рының бірі. «Егемен-ақпарат»