Жүргізушісі жоқ такси жолға шықты

Сингапурде жүргізушісіз басқарылатын такси қызметі іске қосылды. Жергілікті билік өкілдерінің айтуынша, такси паркінде дәл осындай 6 көлік бар. Алғашқы сынақ ретінде, аталған таксилер тек ғылыми-зерттеу қалашығының аумағында ғана жүреді. «Жыл соңына дейін біз жүргізушісіз басқарылатын көліктер санын екі есеге арттырамыз. Бүгінде іске қосылған таксиде көлік басқарушының орнына нұсқаушы отырады. Бұл уақытша нәрсе. Жалпы, көліктер сағатына 50 шақырымдық жылдамдықпен қозғала алғанымен, жүрісі 30 шақырымнан аспайды», – дейді өнеркәсіпкомпаниясының өкілдері. Айта кетейік, таксиге тапсырыс беру, бағдар белгілеу мен қызметті төлеу ұялы телефон арқылы жүзеге асады. Талғат РАЙЫМБЕК