Сабаққа барам деп салмақ тастапты

Ария Пермана есімді 10 жасар индонезиялық бала сабақтан қалып қоймау үшін екі аптаның ішінде 5 кило салмақтан арылды. Осылайша, әлемдегі ең толық бала саналатын Арияның салмағы 230 килодан 225 килоға төмендепті. Арияның шектен тыс толық­тығы туралы бұқаралық ақпарат құралдары бұрын да хабарлаған-ды. Әсіресе, биыл жазғы демалыс кезінде оның өз еркімен жүріп-тұруы қиындап кеткен екен. Сыныптастарымен бірге мектепке бара алмай қалуы мүмкін екенін түсінген бала күн сайын бірнеше сағат жаяу жүріп, құнары аз тамақ жеп, арықтаудың қамына кірісуге мәжбүр болыпты. – Арияның мінез-құлқы, тәбеті басқа балалардан онша ерекшеленбейді. Неге тез сал­мақ қосатынын білмейміз. Жергілікті дәрігерлер де денсау­лығында ешқандай ауытқу жоқ екенін айтты, – дейді оның анасы. Ария қарапайым фермердің отбасында туған. Ата-анасы балаларын жергілікті дәрігерге қарату үшін жұрттан қарыз алуға мәжбүр болыпты. Баланы шетелдегі мықты ауруханаларға апарып, денсаулығын тексертуге жағдайлары жоқ. Нұрхан САМАРХАН