Шетелде білім алғандар нострификациялаудан өтуі тиіс

Жазылған жайдың жаңғырығы “Егемен Қазақстан” газетінің 2011 жылғы 7 қаңтардағы № 3-4 санында Фарида Бықайдың “Мал­ды заңгер емдей ме?..” деген мақаласында кө­­терілген мә­се­ле­лер бойынша мы­наны хабар­лай­мыз. Ве­те­ри­нар­лық-санитарлық қауіпсіздікті қамтамасыз ету мақ­сатында Ақсу қаласы әкімдігінің 2010 жылғы 15 ақпандағы қау­лысымен “Ақсу қаласының ветеринария бөлімі” мемлекеттік мекемесі құрылды, ал барлық се­лолық округтер, Үш­терек, Ақжол мен Қалқаман ауыл­дары, Ақсу кен­ті әкімдері ап­парат­тарына ветеринария жө­нін­де­гі бас және жетекші маман ла­уа­зымдары енгі­зіл­ді. Бүгінгі күні барлық се­лолық округтер штатпен толық қамтылған, сонымен қатар, бар­лық мамандардың ве­те­ринарлық білімі бар. Ақсу өңірі­нің ау­мағында ветеринарлық қа­да­ғалау­ды Ауыл шаруашылығы ми­нистрлігі Ақсу қалалық аумақ­тық инспекциясының ветери­нар­лық-санитарлық бақылау бөлімі жүзе­ге асырады. Жолқұдық се­лолық округінде былтырғы жазда қара­сан  індетінің шығу себебі, со­йылған малдың  иесі А.Кенжебаев уақытында егу жүргізбеген және етті ветеринарлық зерттеуге әкелмеген. Осы факті бойынша қыл­мыстық іс қозғалды. Ақсу қа­лалық сотының үкімімен А.Кенжебаев кінәлі деп танылды және шарт­ты түрде екі жылға бас бос­тандығынан айыруға сотталды. 2010 жылы өңірде ауыл ша­руа­шылығы малдары бірдейлендірілді және паспорттау жүргі­зіл­ді, егу жоспары толық орындал­ды. Қа­зіргі уақытта Ақсу өңірінің аума­ғында 15 мал сою алаңы жұмыс істеп тұр. Өңірде малдың қал­дықтарын зарарсыздандырып кө­му үшін 32 мал қорымы мен биотермиялық шұңқыр бар. 2010 жылғы 24 тамызда мен, Ержан Имансләмұлы Имансләм қа­­ла әкімінің тұрғын үй-ком­му­налдық шаруашылығы және ауыл шаруашылығы жөніндегі орын­ба­сары лауазымына тағайын­дал­дым. Мен “Ауыл шаруашылығын меха­ни­каландыру” мамандығы бо­­йын­ша Красноармейка ауыл шаруа­шылығы техникумын және “Заң және құқықтану” маман­ды­ғы бо­йынша Қазақ құқықтану және ха­лықаралық қатынастар инс­титутын бітірдім.  Функ­цио­нал­дық міндеттерге сәйкес мен тұрғын үй-ком­муналдық шаруа­шы­лығы, жолау­шылар көлігі, автомобиль жол­дары, жер қатынас­тары, ауыл ша­руа­шылығы және ветеринария мә­селелерін қадаға­лаймын. Ақсу қаласы, Үштерек ауылы­ның тұрғыны Күмісжан Бұлбұл Ақсу қаласы әкімдігіне жұмысқа орналастыру мәселесі бойынша өтініш білдірген жоқ. 2011 жылғы 10 қаңтарда Күмісжан Бұлбұл жұ­байымен бірге менің жеке қа­был­дауымда болды. Күмісжан Бұлбұл Ұлан-Баторда Моңго­лия­ның орта кәсіптік оқу орнын ве­те­ринария мамандығы бойынша аяқтаған. 2007 жылы ол вете­ри­нарлық қызметпен айналасуға лицензия алды. Білім және ғылым минис­трі­нің 2008 жылғы № 8 бұйрығымен Білім туралы құжаттарды тану жә­не нострификациялау ережесі бекітілді. Ереженің 1-тармағына сәйкес басқа мемлекеттерде, Қа­зақ­стан Республикасында құрыл­ған халықаралық және шетелдік оқу орындарында (олардың фи­лиалдарында) білім алған адамдар шетелдік білім беру ұйым­дары, сондай-ақ, Қазақстан Рес­публикасында құрылған және жұ­мыс істеп жатқан халықаралық жә­не шетелдік оқу орындары берген білім туралы құжаттар берілген білімнің деңгейіне және даярлау бейініне сәйкес Қазақстан Рес­публикасында білім беру және кәсіби қызметке қол жеткізу мақ­сатында нострификациялау рә­сіміне өту тиіс. Күмісжан Бұлбұлдың білімі туралы Ұлан-Баторда алынған құ­жатына нострификациялау тура­лы куәлігі жоқ, сондықтан ол осы ма­мандық бойынша Қазақстан Рес­публикасында кәсіби қызмет ат­қа­руға кедергі болады. Жеке қа­былдау барысында мен Астана қа­ласындағы “Қазақстан Рес­пуб­ли­касының Білім және ғылым министрлігі Ұлттық аккредитация орталығы“ респуб­ли­калық мем­ле­кеттік қазыналық кәсіп­орнынан нострификациялау куәлігін алу керек екендігін түсіндірдім, со­нымен қатар, білім туралы құ­жат­тар­ды тану және ностри­фи­ка­циялаудың мемлекеттік тілдегі ере­жесін қолына бердім. Сондай-ақ, мемлекеттік ор­ганға жұмысқа орналасу тәртібін айтып түсін­дірдім. Ержан ИМАНСЛӘМ,  Ақсу қаласы әкімінің орынбасары.