Олжасты италиялықтар оқиды

Италияның Порденон қаласында ұйым­дас­тырылған «Festa del libro con gli autori» (авторлардың қатысуымен кітап фестивалі) атты ірі кітап жәрмеңкесі аясында қазақтың көрнекті ақын-жазушысы, қоғам қайраткері Олжас Сүлейменовтің италия тіліне аударылған «Жазу тілі» кітабының тұсаукесері өтті. Қазақстанның Италиядағы елшілігі еліміз Тәуелсіздігінің 25 жылдық мерейтойы қарсаңында кітаптың аудармасы мен басылуын тарих, мәдениет, әдебиет және филология саласында кітаптарды басып шығаруға мамандандырылған «Сандро Тети Эдиторе» баспа үйімен бірлесіп дайындады. Тұсаукесерге Италияның өнерпаз және ғылыми зиялы өкілдері, саяси, қоғамдық, іскерлік топтары, Италья университеттерінің профессорлары және студенттері, ірі кітап баспаларының өкілдері қатысты. Италияның атақты тарихшысы, жазушы Франко Кардини жиналғандарға кітаптың авторын таныстырды. Ол өз сөзінде әлемде алғаш рет антиядролық қозғалысының негізін қала­ған О.Сүлейменовтің қоғамдық-саяси қызметі жөнінде де айтып өтті. Бұдан әрі ақынның әдеби қызметіне тоқталып, өлеңдері мен дастандары әлемнің көптеген тілдеріне аударылғанын сөз етті. «Жазу тілі» кітабының Еуропа тілдері арасында бірінші болып италия тіліне аударылды. Сондай-ақ Ф.Кардини қазақ каламгеріне екі ел арасындағы мәдениет бауырластығы бұрыннан жақын екенін айта келіп, оның италия тіліндегі кітабының басылып шығуы біздерді бұрынғыдан да жақындата түсетінін тілге тиек етті. «Егемен-ақпарат»