Руфат Рыскиевтің бір аяғы кесілді

Ташкент ауруханасында аты аңызға айналған бұрынғы бокс­шы Руфат Рыскиевке шұғыл ота жасалып, бір аяғының төменгі жағы кесі­лді. Республиканың бел­­гілі жат­­тықтырушысы Мурад Эргашев оның аяғы вена тромбозы­мен ауыруына байланысты төменгі буы­ны­нан кесілгенін жеткізді. Кезінде журналистер «Ташкент жолбарысы» деген лақап ат берген даңқты боксшы қазір Ташкент қалалық №16 ауруханасы хирургия бөлімшесінің 5-палатасында жатқан көрінеді. Руфат Рыскиев 1949 жылы Ақ­қор­ған қаласында дәрігерлер­дің отбасында дүниеге келген. 12 жа­сы­нан атақты бапкер Сидней Джек­сон­ның қол астында жаттыға бас­та­ған. Ал үлкен рингке тағы бір әйгілі жаттықтырушы Борис Гранаткин алып шыққан. Р.Рыскиев 1974 жылы Куба астанасы Гаванада өткен бірінші Әлем чемпионатында 75 килоға дейінгі салмақта алтын медаль жеңіп алды. Ол осы биікке жеткенге дейін іріктеу сынақтарында канадалық Стан Уилльямсон­ды (нокаут, 1-раунд), болгар Алек­сандр Янакиевті (ұпай саны), ширек финалда аргентиналық Рикардо Рохасты (ұпай саны), жартылай финалда ГДР өкілі Бернд Виттенбургті (нокаут, 1 раунд) және финалда румын Алек Настакты (ұпай саны, 3:2) ұтқан болатын. Сол бірін­ші­лікте келесі алтын медаль иегері – Василий Соломин 60 килоға дейінгі салмақта күш сынасып, чем­пион­дыққа сәл бұрын қол жеткізген еді. Дамир ҚОЖАМҚҰЛ