«Төріңнен қарт кетпесін...»

Қазақстан мұсылмандары діни басқармасының төрағасы Ержан қажы Малғажыұлы Ал­ма­­ты­дағы «Ардагерлер» үйіне барды. Қарт­тар үйі тұрғын­дары­ның жалпы жағ­­дайымен танысып, қам­кө­ңіл жан­дардың арнайы көңілін сұрап, шапан жапқан Бас мүфти олар­ға мереке күніне орай тұр­мыс­тық техникалар сыйға тарт­қан болатын. Бұқаралық ақпарат құрал­­дары өкілдеріне берген сұхбатын­да Ержан қажы Малғажыұлы: «Қария­­­лар мемлекетіміздің та­ра­пы­нан ерекше қамқорлыққа алын­ған. Үйлері жылы, азық-түлік, киім-кешек, дәрі-дәрмек­пен қамтамасыз етілген. Бар­лы­ғы бар. Бірақ «жан жылуы жет­пейді», деген-тін. Елі­мізде 7 мың­нан астам адам қарт­тар үйін­де өмір сүреді екен. Біз­дің халқы­мыз­дың тарихы мен дәс­түрінде әке-ше­ше­сін қарттар үйі­не апарып тастау деген жаман әдет болмаған. Қазақ отбасын­да ата-ананың қадірі ерекше болған: «Анаңды Меккеге үш рет арқалап барсаң да, қары­зың­нан құтыла алмайсың» деген тәмсіл бар. Біз – «Төріңнен қарт кет­песін» деп дұға тілеген халық­пыз. Қай кезең, қай заман­да болмасын үлкендер­ді сый­лаған­дық­тан зиян көрген қоғам бол­ма­ған. Қарттарға  ілти­пат көр­сету – ең асыл, ең қымбат қа­сиет. Қарт­тарға құрмет көрсету жас ұр­пақ­тың алдындағы парыз», – деген еді сөзін аяқтай келе Бас мүфти. Діни басқарма өкілдері жыл са­йын қарттар үйін аралап, қажы­лық­қа ниет еткен қарттарға жолдама беріп отыруды игілікті дәстүрге ай­нал­дырған. Бас мүфти биыл да қа­сиетті мекендерді зиярат еткісі кел­ген бірнеше қарияға жолдама бермек.  Мира БАЙБЕК, «Егемен Қазақстан» АЛМАТЫ