«Almaty Open» үздіктерді анықтады

Алматыда бірінші рет өткі­зілген шахматтан «Almaty Open» халықаралық турнирі  өткен сен­бі күні мәреге жетті. Бар­лығы 7 мемлекеттің 100-ге жу­ық мықтыларының басын қос­­қан бәсекеде қостанайлық Петр Костенко топ жарды. Оған 450 мың теңге көлемінде қар­жылай сыйлық тапсырылды. Гроссмейстерлер кестесінің екін­ші сатысына бельгиялық Вадим Малахатько жайғасып, 278 мың теңге көлеміндегі ақ­шалай сыйлыққа ие болды. Үш­тікті – жүлделі орынға енген тағы бір қазақстандық шахмат­шы Арыстанбек Оразаев қоры­тындылап, 228 мың теңге мөл­шерінде сый алды. Жүлдегерлерден бөлек, Тө­леген Нукин «Үздік жарыс ар­дагері», Әлішер Сүлейменов «16 жасқа дейінгі үздік шахматшы», Берік Ақкөзов «Алматының үздік шахматшысы» атанды. Сол сияқты Гүлстан Нахбаева әйел­дер арасындағы турнирдің ең үздік шахматшысы деп танылды. Айта кетерлігі, 5 қазанда бастал­ған «Almaty Open-2016» тұңғыш халықаралық шат­мат­­шылар турнирі Қазақстан Республикасы Кубогының екінші кезеңі ретінде өтті. Оған Тәжік­стан, Ресей, Өзбекстан, Бельгия, Грузия, Қырғызстан және Қазақ­станнан шахматшылар қатысты. Қазақстан шах­мат федерациясы мен Ш.Есе­нов атындағы ғылыми-білім­дік қордың демеушілігімен ұйым­дастырылған жарыстың жүлде қоры 2 500 000 теңгені құрады. Швейцариялық ж­үйе бойынша тоғыз турдан тұрған турнир, Халықаралық шахмат феде­ра­ция­сының ережелеріне сай өтті. Меліс СЕЙДАХМЕТОВ, журналист АЛМАТЫ