10 Наурыз, 2011

Кеше…

420 рет
көрсетілді
3 мин
оқу үшін
...кеденшілер имиджі туралы кеңесті Кеденшілер имиджін қа­лып­тастыру оңай емес. Әсіресе, Кеден одағы құрылғалы бері тіптен кеденшілер жауапкершілігі же­ңіл­деген жоқ. Олардың жұмы­сын бұқаралық ақпарат құрал­да­рында қалай насихаттаған жөн? Міне, осы мәселелер жөнінде ел кеденшілері кеше Атырауда бас қосып, республикалық семинарда өзара пікір алмасты. Семинарда сөз алған Кедендік бақы­лау комитетінің ресми өкілі Ержан Байтана кеден органдарын­да құрылымдық өзгерістер бо­латыны жоспарланғанын мәлім етті. Семинарда кеденші имиджі туралы пікір білдірушілер аз болмады. «Хабар» агенттігі «Бет­пе-бет» бағдарламасының жүргізушісі Б.Уәлидің пікірінше, кез келген мекеме жұртшы­лық арасында жақсы пікір қа­лыптастыру үшін БАҚ-пен ты­ғыз байланыс орнағаны жөн. Ал 7-арнадағы «Нысана» бағдарла­масын жүргізуші М.Николаев алдымен мемлекеттік тілде, қа­жетінше үш тілде ақпарат ұсы­нылғанын қалайды. Бұрынғыдай тек ресми тілде ұсынылған ақ­па­ратты қазақшаға журналистердің өздері аударып алады делінетін үстірт ойдан арылу қажеттігін де ортаға тастады. Жолдасбек ШӨПЕҒҰЛ, Атырау облысы. ...дәстүр туралы лекция басталды Ы.Алтынсариннің Қостанай қаласындағы мемориалдық музейі қызметкерлері орыс мектептерінде Наурызды, халқымыз­дың салт-дәстүрлерін таныс­ты­ратын лекциялар оқуды бастады. Мұражай қызметкерлері өздері жасаған «Аңызбен жеткен әз Наурыз» атты бейнелекцияда Нау­рыз мерекесі, келін түсіру, қыз ұзату, сүндет, мүшелтой сияқ­ты халықтың тұмыстағы дәстүрі мен түрлі салттары ту­ралы айтылады. ­Мұндай лекцияны мәдени ошақ ұжымы биыл бірінші рет бастап отыр. Олар жас ұрпақты қазақ халқының дәстүрімен жа­қынырақ таныстыруды мақсат етіп қойды. Сонымен қатар, мектептерде «Ауызша журнал» лек­циясы да өтеді. Лекция бары­сында оқушыларға халқымыз­дың тұрмыс-салтына байланыс­ты өткен ғасырлардан жеткен жәдігерлер де көрсетіледі. Нәзира ЖӘРІМБЕТОВА, Қостанай. ...зағиптар үшін мәдени кеш өтті Қазақстанда көзі көрмейтін және әлсіз көретін жандар тағ­дыр тәлкегін жеке өзі көтер­мей­ді. Асқар таудай Отаны, қасында жүрген азаматтардың қиын тағ­дырына қанатымен су сепкен қар­лығаштай көмектесуге даяр тұратын жаны ізгі адамдар көп. Зағип кісілердің ең үлкен жұ­банышы – кітап. Шымкентте осындай азаматтарға арналған облыстық мамандандырылған кітапхана бар. Кеше еліміз Тәу­ел­сіздігінің 20 жылдығына арна­лып осы кітапханада “Еселенсін еңбегің елің үшін” атты мәдени кеш өтті. Жиында бұрынғы теміржол­шы Асылбек Бектұрсынов, ардагер ұстаздар Мәдет Тұяқбаева мен Халима Күлетова көпші­лік­ке өз өмірлеріндегі елеулі оқи­ға­ларды әңгімелеп берді. Ел Тәуел­сіздігіне байланысты пайымдау­ларын ортаға салып, жарқын өмір туралы ойларымен бөлісті. Бақтияр ТАЙЖАН, Шымкент.