Депутаттар жаңа жылда корпоративті кештер өткізбейді

ҚР Мәжілісінің депутаттары мен кейбір ұлттық компаниялар жаңа жылдық корпоративтік кештерді өткізуден бас тартты, - деп хабарлайды Tengrinews.kz. "Бізде ешқандай корпоративтер жоспарланбаған. Біз қатаң жұмыс кестесі бойынша істейміз және қазір парламент сайтынан көруге болады. Жаңа жылда бізде де төрт күндік демалыс болады, ал 4 қаңтарда регламент бойынша біз аймақтарға сапарлаймыз. Аймақтарда, шалғай аудандарда жұмыс істейміз, халықпен кездесу өткіземіз. Парламентте қыдырып кететін демалыстар да болмайды, бұл жақсы ма, жаман ба - өздеріңіз шешерсіздер", -  деді ҚР Мәжілісінің депутаты Павел Казанцев. Мәжіліс депутаты Ирина Аронова да депутаттардың Жаңа жыл қарсаңында ешқандай корпаративті кештер ұйымдастырмайтынын растап, бұл отбасылық мейрам және ошақ қасында аталып өтетінін айтты. "Біз жаңа жылдық корпоративтер өткізбейміз, бірақ компания жыл сайын Алматының Түркісіб ауданындағы кемтар және жаңдайы төмен отбасындағы балаларға сыйлықтар береді", - дейді бұл мәселе бойынша Air Astana әуе компаниясының өкілдері. "Самрұқ-Қазына" компаниясында да, бюджет есебінен корпаративті мерекелік кештер ұйымдастырылмайтынын, дегенмен, қызметкерлердің өз қалтасынан мерекелік шаралар ұйымдастыруы да сөгіске жатпайтынын айтты.