Долларды қолма-қол сатып алу көлемі 6,6 пайызға төмендеді

Қазан айында қазақстандықтардың долларды қолма-қол сатып алу көлемі айырбастау нүктелерінде 6,6 пайызға төмендеді деп, хабарлады Ұлттық банк баспасөз қызметі. Бір айда ақша айырбастау нүктелерінен жеке тұлғалар 304 миллион АҚШ долларын сатып алған. «Жалпы ағымдағы жылы, халықтың айырбастау нүктелерінен АҚШ долларын қолма-қол сатып алуы елеулі төмендеумен сипатталады. Өткен жылдың қазан айымен салыстырғанда, шетел валютасын сатып алу көлемі 40,1 пайызға, 2014 жылдың қазайын айында 84 пайызға қысқарған», – деп атап өтті бірінші деңгейлі банк. 2016 жылдың 10 айында АҚШ долларын сатып алу 2015 жылдың қаңтар-қазандағы аралықпен салыстырғанда 10,5 есе азайды. Мұндай төмен көрсеткіш 2001 жылы тіркелген. 2016 жылғы 10 айда АҚШ долларын сатып алу 2015 жылғы қаңтар-қазан айларындағы көлемнен 10,5 еседен аса аз болды, бұл 2001 жылдан бергі бүкіл бақылау кезеңіндегі ең төмен көрсеткіш болып есептеледі. Халықтың АҚШ долларын жалпы сату көлемі соңғы 5-6 жылдағы орташа деңгейде, ал халықтың АҚШ долларын жиынтық сатып алу көлемі екі еседен аса азайды. Осылайша, халықтың қолма-қол АҚШ долларына деген сұранысының төмендеу үрдісі жалғасуда.