Ислам қағидаттары талқыланды

Кеше «Нұр Отан» ХДП Жоғары партия мектебі мен Индустрия және жаңа технологиялар министрлігі бірлесіп Ислам қаржысы бойынша Қазақ­стан конференциясы – KIFC 2011 аясында «Қазақстанның ИКҰ-ға төрағалық етуінің сауда-экономикалық аспектілері» тақырыбында дөңгелек үстел өткізді. Аталған шарада партия хатшысы Сергей Громов «Ислам эконо­мика­сы», «Жаңа ислами экономикалық тәртіп» қағидаттарының өзектілігін ерекше атап өтті. Еліміз бизнес мүд­десіне қатысты ре­форма жасаушы­лардың ішінде көш­бас­шы болып та­былады. Соның нәти­же­сінде, Қазақ­стан әлемдік бизнес ауаны жөніндегі рейтингіде 183 ел кіретін тізімнің 59-шы орнын иемденіп отыр. Осы ретте Сергей Николаевич ИКҰ-ға төр­ағалық ету шеңберінде «Нұр Отан­ның» стратегиялық міндеттерді жү­зеге асыруда жаңа үнқатысу алаң­дарын құруды көздейтіндігінен де хабардар ете кетті. «Нұр Отан» ХДП Жоғары партия мек­тебінің дирек­торы, профессор, эко­но­мика ғылым­дары­ның докторы Бақыт Есекина өз кезегінде экономикалық дағ­дарыс барысына, қазіргі экономикалық үл­гі­нің тиімділігі мен тұрақтылы­ғына ерекше назар аудартты. Әлеу­меттік әділ­д­ікке бағытталған ислам үлгісі қоғам мүддесіне бағытталған әрі кәсіпкерлікке септесе отырып, эконо­миканың негізі бола алады. Дөңгелек үстел барысында сон­дай-ақ ислам қағидаттарын эконо­ми­каға енгізу аясында жалпы әлем­дік үрдіс­тер­мен қатар, Қазақ­стан­дағы осы саланың жағдайы талқыға са­лын­ды. Еліміздің Сыртқы істер,  Эко­номикалық даму жә­не сауда ми­нистрліктерінің өкілдері, Әл-Шамс Капитал басқармасының төр­ағасы (Ресей), т.ғ.д., профессор Адалет Джабиев, «Элаф Исламик Банк» бас­­қар­ма төр­ағасы, доктор Жамиль Жаруди, Алматы қаласы өңірлік қаржы ор­та­лығының қызметін реттеу агент­ті­гінің төрағасы, э.ғ.д. Аркен Арыс­танов, Бахрейн және Кувейт Банкі заң де­пар­таментінің бас­шысы, профессор Абдуль Кадир Уар­сама және еліміз Пре­мьер-Ми­нистрінің орын­басары – Индустрия және жаңа технологиялар ми­нистрі­нің кеңесшісі Ерлан Байдаулет сөз сөйлеп, өз ойларын ортаға салды. Жұмыс қоры­тын­дысы бойынша ұсы­нымдар қабылданды. Асқар ТҰРАПБАЙҰЛЫ.