Университеттерде білім мен ғылым ұштастырылады

Биылғы Жолдаудағы мақсат-міндеттерді мүлтіксіз атқару жө­нінде Білім және ғылым министрлігінде алқалы жиын өтті. Ал­ғашқы сөзді министрліктің жауап­ты хатшысы Болатбек Әбдірә­сі­лов алып, «Сапалы білім Қазақ­стан­ның индустриялануы мен инновациялық дамуының негізі болуы тиіс» деген басты қағи­да­ны алға тартып, сол бойынша іргелі мекеменің атқаратын  жұмы­сы мен алда тұрған міндеттерін саралады. 2020 жылға дейінгі білімді дамытудың мемлекеттік бағ­дарламасы бойынша іс-қимыл­дарды да алға тартты. Алқа жиы­нында академик М.Жұрынов, Тұ­ран университетінің ректоры Р.Алшанов, Л.Гумилев атындағы Еу­разия ұлттық университетінің ректоры Б.Әбдірайымов, Д.Серікбаев атындағы Шығыс Қазақстан мемлекеттік университетінің кафедра меңгерушісі М.Дудкин Астана қаласындағы №40 мектептің директоры Е.Іргебай т.б. ойларын ортаға салды. Алқа жиынын қорытынды­ла­ған Білім және ғылым министрі Бақытжан Жұмағұлов Жолдаудың аясында шешімін табатын істерді жан-жақты бағамдап, он жылға арналған мемлекеттік бағдарлама бойынша атқарылатын жұмыс­тар­ға еліміздегі және әлемдік да­мудағы өзгерістер енгізіліп оты­ратынын, әр жыл сайын жаңарып жатқан өркениет көшінен қалмау керектігін атап өтті. Әсіресе, университеттерде білім мен ғылым­ның ұштас жүргізілетінін ғылы­ми-зерттеу институттарының бө­лек екенін, алдағы уақытта біртіндеп зерттеу университеттерінің де ашыла бастайтынын жеткізді. Со­нымен қатар, ғылым саласындағы өзгеріске байланысты Ұлттық ғы­лыми кеңестің құрылатынын, оған білім-білігі мықты азамат­тар­ды тарту қажеттігін назарға салды. Жастар тәрбиесіне келгенде ескі сүрлеумен бұл жауапты істі оқу орындарының басшылары орын­ба­сарларына тапсырып қой­май, ті­келей өздері айналысу қа­жет­ті­гін қадап айтты. Ал жоғары оқу орындарын оңтайландыру мә­селе­сінде  бәрін халықтың сұра­ны­сы шешетінін, қажет маман­дар­ды дай­ындап жатқан жоғары оқу орын­дарына қашанда жол аш­ық екенін алға тартты.  Ол соны­мен қатар, түркітілдес мемлекет­тердің біздің Ота­нымызда ша­ңы­рақ көтерген ака­демиясына, тәу­ел­­сіз мемле­ке­ті­міздің 20 жылды­ғына білім-ғы­лым саласында жүр­ген әр азамат өзінің үлесін қосу керектігін де білдірді. Сүлеймен МӘМЕТ.