Сапар маңызы аталды

Кеше Парламент Сенатының Төрағасы Қасым-Жомарт Тоқаев Баш­құртстан Республикасы Мемлекеттік Жиналысы – Құрылтай Төр­ағасы Константин Толкачевпен кездесті. Кездесу барысында Қазақ­стан-Башқұрт қарым-қатынастарын, оның ішінде парламен­таралық іс-қимылды одан әрі нығайту мәселелері талқыланды. Қ.Тоқаев атап өткендей, баш­құрт делегациясының келуі пар­ла­мент­аралық байланыстарды бел­сенділен­діру тұрғысынан да, Қа­зақ­стан-Ресей ынтымақтастығы жа­ғынан да пай­далы болады. «Қазақ­стан мен Ресейді ең жақын, одақ­тас­тық және әріп­тестік қатынастар байланыс­тыр­ады», – деді Төраға. Қазақстан мен Башқұртстан ар­а­сындағы ынтымақтастықты да­мыту үшін барлық жағдай жасал­ға­нын атап өте келіп, Төраға бауыр­лас ха­лықтар арасындағы сауда-эко­номи­ка­лық және мәдени-гумани­тар­лық салалардағы бай­ланыс­тар­ды нығай­ту жайында айт­ты. Сенат қызметіне қатысты Қ.Тоқаев Қа­зақ­стан саяси жүйесіндегі жоғары заң шығару органының маңызды рөлін атап өтті. Башқұртстан делегациясының басшысы Төрағаны БҰҰ-ның Же­не­вадағы бөлімінің Бас дирек­торы қызметіне тағайындалуымен құт­тық­тады. К.Толкачев сондай-ақ Қазақ­стан-Ресей қатынас­та­рын, пар­ламентаралық өзара іс-қи­мыл­ды нығайту, заң шығару сала­сын­дағы тәжірибе алмасу үшін Қазақ­станға сапарының ма­ңызды екенін атады, деп хабар­лады Парламент Сена­ты­ның бас­пасөз қызметі.