Ресей халқы қанша?

Ресейдің ақпарат көздері Статистика комитетінің 2010 жылғы халық санағының кейбір қоры­тын­дыларын алдын-ала жарияла­ғанын хабарлады. Мәселен, Ресей халқының бү­гін­гі таңдағы жалпы саны 142 мил­лион 950 мың, бірақ 2002 жыл­­ғы санақ­пен салыстырғанда халық­тың жал­пы есебі 1,6 пайыз азайыпты. Ресей халқының 8 пайызы Мәскеу қала­сында тұра­ды, мәскеуліктер са­ны осы кезең ішінде 10,9 пайыз өсіп, 11 миллионнан асқан. Хал­қының саны жағынан Мәскеуден кейінгі қала – Санкт-Петербург. Соң­ғы санақтан бері мұнда да өсім бар, қазір бұл қалада 4 миллионнан астам адам тұрады, бұл бүкіл ел халқының 3,4 пайызы. Жинақтай кел­генде, ре­сей­ліктердің 11 пайыз­дан астамы Мәс­кеу мен Санкт-Пе­тербургте тұра­ты­ны белгілі болып отыр. Қалада және селода тұратын адам саны сегіз жыл ішінде елеулі өзгеріске ұшырамапты: бұрынғы­сынша ресейліктердің 73 пайыз­дан астамы қалаларда, 26 пай­ыздан астамы селоларда тұрады. Дерек көздері өткен санақпен са­лыстыра қарағанда халық саны жы­ныстық құрамы бойынша да ай­тарлықтай өзгермегенін хабар­лай­ды. Мысалы, 2002 жылы Ресей хал­қының 46 пайыздан ас­та­мы еркектер, 53 пайыздан көбі әйелдер болса, 2010 жылғы санақ бойынша ер­кектердің үлесі – 46,3 пайыз, әйел­дер­дің үлесі – 53,7 пай­ыз. Бұл бізбен көрші елде қа­зір 66 миллионнан астам ер-аза­мат және 76 миллионнан артық әй­ел өмір сүре­тінін көрсетеді. Серікқали БАЙМЕНШЕ,  «Егемен Қазақстан» – Мәскеуден.